Mālō e Lelei mei Finilani!

Kau fakataha mo Mako mo Paolo ʻi heʻena fononga he māmaní ke ako fekauʻaki mo e fānau ʻa e Tamai Hevaní.

Ko Finilaní ko ha fonua ia ʻi he Fakatokelau ʻo ʻIulopé. ʻOku fakafuofua ʻoku ʻi ai ha kakai ʻe toko 5.5 miliona.

Ko e Tukufakaholo ʻa ha Fāmili

ʻOku tokolahi ha ngaahi fāmili ʻoku nau nofo ʻi ha kiʻi fale ʻi ha anovai ʻi he faʻahitaʻu māfana takitaha. ʻOku nau feimeʻatokoni ʻi ha afi, tangutu ʻi he sauna (kaukau mao), pea mālōlō ʻi tuʻa (ʻi natula).

Leipäjuusto

Ko ha meʻakai angamaheni ki he maʻu meʻatokoni pongipongí ko e mā sīisi (ʻoku toe ʻiloa ko e squeaky cheese faka-Finilani”). ʻOku tunu mo kai ia ʻe he kakaí ʻaki ha siamu cloudberry.

Ko e Ako Fakatahá

ʻOku ako e fānau ko ʻení ʻi he lotú fekauʻaki mo Jeesus Kristus. Ko e founga ia hono lea ʻaki ʻa e “Sīsū Kalaisí” ʻi he lea faka-Finilaní!

Naʻá ke ʻIloʻi Koā?

ʻOku tokolahi ange ʻa e fanga tiá ʻi he vahefonua ʻo Lepalení ʻi he kakaí! Ko e taha foki ia ʻo e ngaahi feituʻu lelei taha ke mamata ai ki he ngaahi maama ʻi he fakatokelaú.

Temipale Helsinki

ʻOku ʻi ai ha temipale fakaʻofoʻofa ʻi Finilani ʻi hono kolomuʻá, ko Helsinki.

Ngaahi tā fakatātā ʻa Katie McDee