Mei he Kau Palesitenisī ʻUluakí
Ko e Maama mo e Melino ʻo e Temipalé
Fai ʻe Palesiteni Henry B. Eyring
Tokoni Ua ʻi he Kau Palesitenisī ʻUluakí
Toʻo mei he “Fie Siofia ha Temipalé,” Liahona, Mē 2021, 28–31.
ʻE lava ke ke maʻu ha holi ke hū ki loto ʻi ha ʻaho ʻi hoʻo sio ki ha temipale pe ko hano fakatātā. ʻE hokosia ʻa e ʻaho te ke lava ai ʻo maʻu ha lekomeni temipale ke fakahoko ʻa e papitaisó ʻi he temipalé. ʻI he taimi ʻokú ke papitaiso ai maʻa ha taha kuo pekiá, ʻokú ke tokoni ai ki he Fakamoʻuí ʻi Heʻene ngāue toputapu ko hono tāpuakiʻi ha fānau ʻa ʻetau Tamai Hēvaní.
ʻI he ngaahi taʻu lahi kuo hilí, naʻá ku ʻalu mo hoku ʻofefiné ki he temipalé . Ko ia naʻe papitaiso fakamuimuitaha he ʻaho ko iá. Naʻe kole mai ʻe ha tokotaha ngāue temipale ki hoku ʻofefiné pe ʻe lava ʻo toe nofo ange ke papitaiso maʻá e tokotaha kotoa pē kuo maau honau hingoá he ʻaho ko iá. Naʻá ne talaange ʻio.
Naʻá ku mamata ki he hifo hoku ʻofefiné ki he vai papitaisó. Ne kamata ʻa e papitaisó. Naʻe tafe hifo ʻa e vaí ʻi hono fofongá ʻi he taimi kotoa pē naʻá ne ʻalu hake ai mei he vaí. Naʻe toutou fehuʻi ange kiate ia, “Te ke toe lava ʻo hoko atu?” Naʻá ne tali ʻio ʻi he leʻo fakapapau ʻi he taimi kotoa pē. Naʻá ne nofo pē kae ʻoua kuo papitaiso ʻa e tokotaha kotoa he lisí ʻi he huafa ʻo Sīsū Kalaisí.
ʻOku ou kei manatuʻi e ongo ʻo e maama mo e nonga ʻi heʻema lue fakataha mei he temipalé. Ko e founga ia ʻoku hiki hake mo liliu ai kitautolu ʻe he ngāue fakatemipalé.
Maama ʻo e Temipalé
Tuku ʻa e ngaahi fakatātā ko ʻení ʻi homou ʻapí ke fakamanatu atu te ke lava ʻo hū ki loto ʻi ha ʻaho.
ʻŪ tā fakatātā ʻa David Habben