Meʻa Fakafiefiá

Ngaahi Vaʻakau Rākau

xhildren playing a gam

ʻOku vaʻingaʻi ʻe he kakai Mauli ʻo Nuʻu Silá ha foʻi vaʻinga ʻaki haʻanau tātā, tolo, mo hapo ha ngaahi vaʻakau ʻo fakatonu ki ha fasi. Kumi ha ngaahi vaʻakau pe ngaahi takainga pepa ʻe fā ke vaʻingaʻi e foʻi vaʻinga ko ʻení ʻo fakatatau ki hoʻo fiemaʻú!

Founga hono Vaʻingaʻí

1. Tangutu mo ha hoa ʻi he falikí ʻo fehāngaaki. ʻOkú mo takitaha pukepuke ha vaʻakau ʻi homo nimá takitaha.

2. Fili ha faʻahinga sīpinga ngaungaue te mo fakahoko ʻaki hoʻomo ngaahi vaʻakaú. Te ke lava ʻo fakaʻaongaʻi ha niʻihi ʻo e ngaahi fakakaukau ko ʻení, pe ko hoʻo ʻai pē ʻe koe ʻaki hoʻo fakakaukaú.

3. Akoako ngaungaue fakataha ʻi he taimi tatau. Sio angé pe ko e hā hono fuoloa hoʻomo fakahoko iá ʻo ʻikai ke ʻi ai ha fehalaaki! Te ke lava foki ʻo tā ha ngaahi fasi pea akoako fakahoko ke ngaungaue ʻo fakatonu ki he fasí.

Ngaahi Fakakaukau ki he Ngaungaué

• Tātā fakataha tuʻo tolu hoʻomo ngaahi vaʻakaú.

• Tātā tuʻo tolu hoʻomo ngaahi muiʻi vaʻakaú ʻi he falikí.

• Fakafetongi e ngaahi vaʻakaú mo ho hoá.

• Tātā tuʻo tolu ʻa e vaʻakau ho hoá.

Teuteuʻi hoʻo fanga kiʻi vaʻakaú ʻaki ha ngaahi sīpinga fakafiefia!

Fakamālō kia Lakileni G. mei Nuʻusila ʻi hono vahevahe ʻo e ʻekitivitī ko ʻení!

Ngaahi tā fakatātā ʻa Jonathan Hancock