Hili e toetuʻu ʻa Sīsū Kalaisí, naʻá Ne ʻaʻahi ki he kakai ʻi ʻAmeliká. Naʻá Ne tuku ke ala ʻa e tokotaha takitaha ki he ngaahi matakafo ʻi Hono toʻukupú. Naʻá Ne akoʻi mo lotu fakataha mo kinautolu. Naʻá Ne tuku ha taimi ke fakamoʻui ʻa kinautolu naʻe puke pe laveá. Naʻá Ne fakaafeʻi leva ʻa e fānau īkí ke omi kiate Ia. Naʻá Ne tāpuakiʻi taha taha kinautolu.
ʻĪmisi
Thomas Snelgrove
Naʻá ku lau ha pole ʻo e Ngaahi Nima Fie Tokoní mo ʻeku faʻeé. Hili iá ne u sio atu ki he ngāue hoku kaungāʻapi toulekeleká ʻi hono loto ʻataʻataá. Ne u pehē ange, “Faʻē! Te ta lava ʻo hoko ko e ngaahi nima fie tokoni!” Ne ma kole ki homa kaungāʻapí pe ʻe lava ke ma tokoni. Naʻá ne houngaʻia ʻaupito ai.