ដំណើររឿងក្នុងព្រះគម្ពីរ
អេលីយ៉ា និងសំឡេងតូចរហៀង
អេលីយ៉ាគឺជាព្យាការីម្នាក់ ។ គាត់ចង់ស្ដាប់តាមសំឡេងរបស់ព្រះ ។ គាត់បានឡើងទៅលើភ្នំ ដើម្បីស្ដាប់សំឡេងរបស់ព្រះឲ្យកាន់តែច្បាស់ ។
មានខ្យល់បោកបក់យ៉ាងខ្លាំង ។ វាខ្លាំងណាស់ ដែលបណ្ដាលឲ្យបែកថ្ម ។ ខ្យល់បានគួចយ៉ាងខ្លាំង ។ ប៉ុន្តែពុំមែនជាសំឡេងរបស់ព្រះឡើយ ។
បន្ទាប់មក មានការរញ្ជួយដីមួយ ។ ផែនដីបានរញ្ជួយ ។ មានភ្លើងឆេះផងដែរ ។ វាមានអណ្ដាតភ្លើងធំៗ ។ ប៉ុន្តែការរញ្ជួយដី និងភ្លើងពុំមែនជាសំឡេងរបស់ព្រះឡើយ ។
បន្ទាប់មក វាស្ងប់ស្ងាត់ ។ អេលីយ៉ា បានស្ដាប់ឮសំឡេងរបស់ព្រះ ។ វាគឺជាសំឡេងតូចរហៀង ។ ប៉ុន្តែវាច្បាស់ ។
ខ្ញុំអាចស្ដាប់ឮសំឡេងរបស់ព្រះតាមរយៈការស្ដាប់ព្រះវិញ្ញាណបរិសុទ្ធ ។ ទ្រង់ថ្លែងមកកាន់ខ្ញុំតាមរបៀបខ្សឹបៗ និងសាមញ្ញៗ ។
រចនារូបភាពដោយ អាព្រីល ស្តុត