Kumusta gikan sa Mexico!
Kuyogi si Margo ug Paolo samtang mobiyahe sila sa tibuok kalibotan sa pagkat-on mahitungod sa mga anak sa Langitnong Amahan.
Ang Mexico usa ka nasod sa Amihanang America. Kini adunay kapin sa 126 ka milyon ka tawo.
Usa ka Lamian nga SNAK
Ang Guacamole usa ka sawsawan nga ginama gikan sa mga avocado. Ang mga tawo mokaon niini uban sa mga taco, mga salad, o sa chichirya nga mais [corn chips]. ¡Delicioso [Lamian kaayo]!
Magkauban og Pundok
Kini usa ka gambalay sa Simbahan sa Mexico. Ang Mexico adunay dul-an sa 1.5 ka milyon nga miyembro sa Simbahan—ang ikaduha nga labing daghan sa bisan unsang nasod sa kalibotan!
Baile Folklórico (Tradisyonal nga Sayaw)
Daghang parte sa Mexico ang adunay ilang kaugalingong mga estilo sa musika, sayaw, ug panamit. Kini nga batang babaye nagsul-ob og tradisyonal nga sinina gikan sa Chiapas.
Karaan nga mga Kultura
Ang Mexico adunay mga gambalay nga hinimo sa karaang mga tawo. Matag tuig, minilyon ka tawo ang mobisita sa Mayan nga piramidi didto sa Chichen Itza sa estado sa Yucatán.
Daghang mga Templo
Ang Mexico adunay 13 ka gipahinungod nga templo, nga adunay daghan pa nga umaabot. Kini nga batang lalaki mibisita sa templo sa Veracruz.
Mga paghulagway pinaagi ni Katie McDee; chapel gilitratohan ni Rachael Heslington