Mga Kard sa Bayani sa Kasulatan
Guntinga ang mga kard, piloa sa tinuldokan nga linya, ug i-tape kini nga magsikit.
Ruth
“Ang imong katawhan mamahimo nga akong katawhan, ug ang imong Dios mamahimo nga akong Dios.”
-
Siya naminyo sa usa ka Israelita nga lalaki ug misunod sa Dios.
-
Sa dihang ang iyang bana namatay, dili siya gusto nga mobiya kang Naomi, ang inahan sa iyang bana.
-
Miadto siya sa Betlehem uban ni Naomi. Wala madugay naminyo siya sa usa ka matarong nga lalaki nga ginganlan og Boaz.
Boaz
“Busa [siya] midala ni Ruth, ug iyang gipangasawa.”
-
Buotan siya nga tawo. Mabination siya ngadto ni Ruth.
-
Nakakita siya ni Ruth nga nagpundok sa mga salin nga pagkaon diha sa iyang umahan. Siya mihatag kaniya og dugang pagkaon.
-
Siya ug si Ruth naminyo ug nanganak. Sila ang mga katigulangan ni Jesukristo.
Mga paghulagway pinaagi ni Alona Millgram