Matinabangong mga Kamot sa tibuok Kalibotan
Himamata si Jarom gikan sa Mexico
Himamata ang kabataan sa Primary nga nagtabang sa uban, sama sa gibuhat ni Jesus.
Tanan mahitungod ni Jarom
Edad: 10
Gikan sa: Mexico City, Mexico
Pinulongan: Kinatsila
Mga tumong ug mga pangandoy: 1) Mahimong usa ka veterinarian o usa ka psychologist. 2) Magdrowing og matahom nga mga hulagway. 3) Motagad sa uban nga adunay pagtahod ug pagkamabination.
Pamilya: Jarom, Mama, Papa, duha ka igsoong lalaki
Ang Matinabangong mga Kamot ni Jarom
Si Jarom adunay tulo ka gagmayng iro. Usa sa iyang mga trabaho mao ang pagpakaon nila matag adlaw. Gimahal gayod niya sila. Si Jarom usa usab ka maayo nga tigpaminaw ug usa ka misyonaryo. Sa dihang nahibaloan niya nga namatay ang lolo sa iyang higala, gitawagan ni Jarom ang iyang higala. Naminaw si Jarom kaniya. Siya usab mihupay kaniya ug misulti kaniya mahitungod sa plano sa Langitnong Amahan alang kanato.
Gusto ni Jarom nga mahimong malipayon ang iyang mga higala. Makanunayon siyang maghisgot kanila mahitungod sa Simbahan ug magdapit kanila ngadto sa mga miting ug mga kalihokan. “Kon kamo mag-ampo, hinumdomi ang inyong mga higala ug pamilya,” miingon si Jarom. “Pangutana aron mahibalo kon unsaon ninyo sa pagtabang kanila.”
Mga Paborito ni Jarom
Mga Dapit: Ang parke ug ang chapel
Mga Istorya mahitungod ni Jesus: Sa dihang Iyang gitabangan ang usa ka buta nga lalaki ug sa dihang nabanhaw Siya
Awit sa Primary: “Kon Ako Bunyagan” (Songbook sa mga Bata, 53)
Mga pagkaon: Pozole nga sabaw, french fries, ug mga doughnut
Mga kolor: Bughaw ug tapol
Mga subject sa eskwelahan: Kasaysayan ug heyograpiya
Mga paghulagway pinaagi ni Mike Laughead