Ang Mga Salmo Nagtudlo Kabahin ni Jesukristo

Ang Mga Salmo sagradong mga awit. Ang mga tawo diha sa Biblia misulat sa mga salmo aron sa pagdayeg sa Dios. Daghan sa ilang mga salmo nagtudlo kabahin ni Jesukristo. Ania ang unsay gitudlo sa pipila sa mga salmo nga gikan sa Biblia.

Akong gihigugma ang Ginoo. Siya ang akong pundasyon ug kalig-on. Ako mosalig Kaniya. Ako modayeg Kaniya.

Ang Ginoo mao ang akong Magbalantay. Gipapahulay niya ako sa mga lunhawng sibsibanan. Gitultolan niya ako sa tin-aw nga katubigan. Dili ako mahadlok.

Ang Ginoo mao ang akong kahayag. Wala akoy kahadlokan. Magbaton ako og kaisog. Siya molig-on sa akong kasingkasing.

Gihigugma ko si Jesukristo, ug Siya nahigugma kanako. Ako modayeg Kaniya kon ako makakat-on ug moawit kabahin Kaniya.