Gikan sa Unang Kapangulohan

Ipatigbabaw ang Dios Labaw sa Tanan!

Ni Presidente Russell M. Nelson

Tan-awa sa Russell M. Nelson, “Ipatigbabaw ang Dios Labaw sa Tanan,” Liahona, Nob. 2020, 92–95.

Nasayod ba kamo unsa ang ipasabot sa ipatigbabaw ang Dios labaw sa tanan? Nagpasabot kini nga Siya ang atong himoon nga labing gamhanang impluwensya sa atong mga kinabuhi.

Andam ba kamo nga ipatigbabaw ang Dios labaw sa tanan diha sa inyong kinabuhi? Tugotan ba ninyo ang Iyang mga pulong, Iyang mga sugo, ug ang Iyang mga pakigsaad nga makaapekto sa inyong buhaton matag adlaw? Tugotan ba ninyo ang Iyang tingog nga mahimong mas importante kay sa bisan unsang butang?

Kon inyong ipatigbabaw ang Dios labaw sa tanan, kamo makat-on og mahangtoron nga mga kamatuoran aron magiyahan ang inyong kinabuhi. Kon inyong ipatigbabaw ang Dios labaw sa tanan, daghan kaayo nga mga pagpili nga mahimong mas sayon. Inyong masayran:

• Unsa ang tan-awon ug basahon

• Unsaon sa paggamit ang inyong oras

• Unsa ang gusto ninyong makab-ot

• Unsa nga matang sa tawo nga kamo gustong mamahimo

Nagkinahanglan kini og hugot nga pagtuo ug kaisog sa pagpatigbabaw sa Dios labaw sa tanan. Samtang inyo Siya nga ipatigbabaw labaw sa tanan, kamo masayod nga ang atong Dios mao ang “usa ka Dios sa mga milagro” (Mormon 9:11).

Unsa ang Inyong Buhaton?

Mopasaylo ba kamo?

Wala nako tuyoa.

Magmatinud-anon ba kamo?

Dawaton ko ba kini?

Magmabination ba kamo?

Pilion ba ninyo ang pagtan-aw og butang nga maayo?

Kataw-anan kaayo kini! Ang tanan ingon niana mosulti.

Mga paghulagway ni Kiersten Eagan