Pagpabilin nga Luwas

Ikaw usa ka bililhon nga anak sa Dios. Ug ikaw angayan nga mobati nga gihigugma, malinawon, ug luwas, bisan unsa pa may mahitabo! Ania ang pipila ka ideya aron sa pagtabang kanimo.

Dili OK kon ang usa ka tawo …

• modapat, motulod, o mopasakit kanimo sa bisan unsang paagi

• mosulti og dili mabination nga mga butang kanimo

• mopakita kanimo og mga hulagway o mga bidyo sa mga tawo nga walay mga sinina

• mohangyo kanimo sa pagsupak sa balaod o lagda sa pamilya

• mohangyo kanimo sa pagtago og sekreto ug dili gayod mosulti ni bisan kinsa

• mosulti kanimo nga sila mopasakit kanimo o sa laing tawo

• magpadala kanimo o mohangyo kanimo sa pagpakigbahin og pribado nga mga litrato

• mohangyo kanimo nga motan-aw o mohikap sa ilang lawas o tugotan sila nga motan-aw o mohikap sa imong lawas

Ang mga bahin sa imong lawas nga matabonan sa usa ka bathing suit pribado alang kanimo. Kinahanglan walay bisan kinsa nga mohikap niini nga mga bahin sa lawas gawas kon sila usa ka ginikanan o doktor kinsa nagtabang kanimo nga magpabiling limpyo ug himsog.

Unsa ang Buhaton

• Paminawa ang imong mga pagbati.

• Balibad.

• Lakaw o dagan palayo.

• Sultihi ang usa ka sinaligan nga hamtong.

Pagpangayo og Tabang

Kon dunay tawo nga mobuhat og dili maaayo nganha kanimo, dili kini imong sayop, ug wala ka mag-inusara! Ang Langitnong Amahan nahigugma kanimo, ug adunay mga tawo nga makatabang kanimo kon ikaw adunay problema. Isulat ang mga ngalan sa pipila ka sinaligan nga mga tawo nga imong maistoryahan.

1. ______________________________________

2. ______________________________________

3. ______________________________________

Mga paghulagway pinaagi ni Mark Robison