Mga Balita sa Kumperensya

Mga Sipi mula sa Kumperensya

“Alam ng Tagapagligtas ang detalye ng paghihirap ninyo. Alam Niya ang malaking potensyal ninyong umunlad.”

Pangulong Henry B. Eyring, Pangalawang Tagapayo sa Unang Panguluhan

“Kapag may mahahalagang pagpili kayong gagawin, si Jesucristo at ang Kanyang ipinanumbalik na ebanghelyo ang pinakamainam na piliin.”

Elder Dieter F. Uchtdorf ng Korum ng Labindalawang Apostol

“Bawat tao sa mundong ito ay anak ng Diyos at mahal Niya ang bawat isa sa kanila.”

Sister J. Anette Dennis, Unang Tagapayo sa Relief Society General Presidency

Mga Templo sa Iba’t Ibang Panig ng Mundo

Magkakaroon ng mga templo sa 6 na kontinente at sa 74 na mga bansa!

• 168 ang gumagana

• +53 ang itinatayo

• +5 ang nire-renovate

• +74 ang ibinalita

• =_______ kabuuang bilang ng mga templo

Tulong sa Pagpili

May isang bagong buklet para sa mga kabataan! Ang tawag dito ay Para sa Lakas ng mga Kabataan: Isang Gabay sa Pagpili. Ano ang nakakatulong sa inyo na gumawa ng mabubuting pagpili?

Paglilingkod Kasama ang Iba

Noong 2021, nagbigay ang Simbahan ng 906 na milyong dolyar sa mga nangangailangan at gumugol ng 6 na milyong oras sa pagtulong sa mga tao sa 188 iba’t ibang bansa. Madalas makipagtulungan ang Simbahan sa iba sa pagtulong sa maraming tao!

Mga Choir sa Kumperensya

Larawang kuha ni Cristy Powell

Kumanta sa isang choir ang mga bata at kabataan mula sa Utah, USA. Ang isa pang choir ay may mga missionary na nasa training at mga service missionary. Ilang awitin sa Primary ang kinanta ng mga choir sa kumperensya?

Mga sagot: 300 templo; 3 awit ng Primary (“Tinawag Upang sa Diyos Maglingkod,” “I Know That My Savior Loves Me,” at “Ako ay Mahal ng Ama sa Langit”)