Hello mula sa Sweden!

Alamin ang tungkol sa mga anak ng Ama sa Langit sa buong mundo.

Ang Sweden ay isang bansa sa Northern Europe. Mga 10.5 milyong tao ang naninirahan doon.

Pagsisimba

Maraming tao sa Sweden ang sumasakay ng tren para makapunta sa mga lugar, pati na kapag nagsisimba sila.

Kalagitnaan ng Summer

Ang kalagitnaan ng summer ay isa sa mga pinakamalaking pista-opisyal sa Sweden. Ito ang tanda ng pagsisimula ng summer. Ang mga tao ay nagsusuot ng mga koronang bulaklak, nagkakantahan, nagkakainan, at nagsasayawan sa paligid ng isang posteng may dekorasyon.

Kahanga-hangang mga Kagubatan

Mga dalawang-katlo ng Sweden ay kagubatan!

Mga Wikang Gamit ng Kalapit na mga Bansa

Ang Sweden, Denmark, at Norway ay magkakalapit na bansa na magkakatulad ang mga wika. Maraming nagsasalita ng Swedish ang nakakaunawa rin ng Danish at Norwegian.

Stockholm Sweden Temple

Ang magandang templong ito ay natapos noong 1985. Noong 1995, inilibot ni Pangulong Thomas S. Monson sa bakuran ang hari at reyna ng Sweden.

Kubb

Narito ang isang bersyon ng isang outdoor Swedish game na maaari ninyong laruin. Maglagay ng 10 wooden block sa dalawang hanay, nang magkalayo. Maglagay ng mas malaking wooden block sa gitna para magsilbing “hari.” Hatiin sa dalawang team. Maghahalinhinan ang bawat tao sa paghahagis ng isang bola o patpat sa mga block ng kabilang team para patumbahin ang mga ito. Kapag napatumba na ang lahat ng block, susubukan ng team na patumbahin ang hari para manalo. Pero mag-ingat—kung napatumba ninyo ang hari bago natumba ang mga block ng kabilang team, talo na kayo!

Mabisang protina

Kailangan ng inyong katawan ang protina para maging malusog at malakas. Maaari kayong makakuha ng protina mula sa karne, itlog, mani, beans, at lamang-dagat.

Köttbullar (Swedish Meatballs)

1. Sa isang malaking mangkok, ibabad ang 3/4 na tasa ng breadcrumbs sa 1 1/4 na tasa ng gatas sa loob ng ilang minuto.

2. Ihalo ang 1 libra (450 g) ng giniling na karne ng baka o baboy, 1 itlog, 1 sibuyas (hiniwa-hiwa), at isang kurot ng asin, paminta, at allspice sa breadcrumb mixture.

3. Gawing maliliit na bola ang mixture ng karne.

4. I-bake sa 400°F (205°C) sa loob ng 20–25 minuto o hanggang magkulay-brown ang meatballs.

5. Ihain nang may kasamang brown gravy, mashed potatoes, at jam, na Swedish style!

Ano ang gusto mong gawin para manatiling malusog?

Isulat at ikuwento sa amin!