Sau, Mulimuli Mai ia te A’u Gaoioiga mo Tamaiti Laiti

Mo le Mataio 8; Mareko 2–4; Luka 7

O a nisi o mea e fefefe ai au tamaiti laiti? Talanoa malie e uiga i se tasi o na popolega. Ona fesoasoani lea ia i latou e fai mai, “Pe a ou fefe, e mafai e Iesu ona fesoasoani mai ia ou lagona le filemu.”

Mo le Mataio 9–10; Mareko 5; Luka 9

Ao mai aitema o le fesoasoani muamua ma faamatala pe faapefea ona faaaoga e faamalolo ai i tatou. Ona faamatala atu lea e sili atu le mana o Iesu Keriso e faamalolo ai. Faamatala se tasi o vavega i le Mataio 9.

Mo le Mataio 11–12; Luka 11

Lisi aso o le vaiaso mo au tamaiti laiti. Tau leotele igoa o aso taitasi, ae musumusu pe a e fai atu “Aso Sa.” Faamalamalama atu o le Aso Sa o se aso faapitoa e mafaufau ai ma le migao ia Iesu Keriso.

Mo le Mataio 13; Luka 8; 13

Faamatala atu e faapea, i aso ua leva, na o mai ai tagata faamaoni ia Iesu e faalogologo i Ana tala (tagai Mataio 13). Fai atu ia i latou e tusi se ata o tagata o loo faalogologo ia Iesu.

Mo le Mataio 14; Mareko 6; Ioane 5–6

Saunia se meaai māmā maloloina mo au tamaiti laiti. Faamatala e uiga i le vavega o areto ma i’a (tagai Mataio 14:15–21). Fesoasoani ia i latou e fai mai, “E silafia e Iesu mea ou te manaomia ma e mafai ona fesoasoani mai ia te a’u.”