“O le Filemu mai le Faaola,” Uo, Mat. 2023, 2–3.
Mai le Au Peresitene Sili
O le Filemu mai le Faaola
Sii mai le “Filemu i Lenei Olaga,” Liahona, Tes. 2016.
Ata na tusia e Dilleen Marsh
Na fetalai mai le Faaola, “O le a outou maua le puapuaga i le lalolagi” (Ioane 16:33). O lona uiga i le lalolagi o le a tatou maua uma ni taimi faigata. Ae na Ia tuuina mai foi ia i tatou le folafolaga lenei: “Ou te tuuina atu ia te outou le manuia, o lo’u manuia ou te avatu ai ia te outou” (Ioane 14:27). O le mulimuli i le Faaola, e mafai ai ona tatou lagonaina le filemu i o tatou taimi faigata.
A tatou aai ma feinu i le faamanatuga, ua tatou folafola atu e manatua le Faaola. E mafai ona e mafaufau e uiga ia te Ia i auala e fesoasoani e te lagona ai le latalata atu ia te Ia. O nisi taimi ou te mafaufau ai ia te Ia o tootuli i le Faatoaga o Ketesemane. O nisi taimi ou te vaai faalemafaufau ai ia te Ia o valaau atu ia Lasalo e sau i fafo o le tuugamau. A o ou faia, ou te lagona le latalata atu ia te Ia. Ou te lagonaina le lotofaafetai ma le filemu. E te mafaia foi.
Na folafola mai e Iesu a tatou tausia Ana poloaiga ma mulimuli ia te Ia, o le a faatasi le Agaga Paia ma i tatou. Ona mafai lea ona tatou maua le filemu, e tusa lava po o le a le mea e tupu i o tatou olaga.
Tala ia Iesu
Na saunoa Peresitene Eyring na te lagonaina le lotofaafetai ma le filemu pe a ia mafaufau e uiga i le Faaola i Ketesemane. O a tala ia Iesu e fesoasoani e te lagona ai le latalata atu ia te Ia?