“O La’u Sini o le Tusi a Mamona,” Uo, Mat. 2023, 31.
Tamaiti ma le Autalavou
O La‘u Sini o le Tusi a Mamona
Atatusi na saunia e Rachel Hoffman-Bayles
Sa ou faatuina se sini e faitau le Tusi a Mamona a o lei oo i lo’u papatisoga, e pei ona faia e lo’u uso ma le tuafafine matua. Ae ina ua tupu le KOVITI, sa ou misia le tele o le aoga, o le faitau sa sili ona faigata mo a’u. E tele ni upu lapopoa o loo i le Tusi a Mamona, ma sa ou manaomia le fesoasoani.
Ona matou maua lea o se manatu ma o’u matua. Sa ou faaaogaina le polokalama o le Potutusi o le Talalelei i luga o le telefoni a lo’u tina e faalogologo ai i le Tusi a Mamona. Sa matou faalemuina leo ina ia mafai ona faigofie ona ou faitau ma mulimuli i ai. Sa ou taofia foi le aluga ma matamata i vitio na fesootai i le polokalama. O taimi uma lava ou te faitau ai, ou te makaina i luga o se siata. Sa ou talanoa i lo’u tina e uiga i mea sa ou faitauina. Sa malie lava!
Sa amata ona ou lelei i le faitau, ae ou te lei manatu e mafai ona ou faaumaina i lo’u papatisoga. O lea sa ou fai atu ai nai lo le faamaeaina a o lei oo i lo’u papatisoga, ou te faamaeaina a o lei oo i le faaiuga o le tausaga (lea sa tasi le masina mulimuli ane). Sa ou faitau pea. O nisi taimi ma te faitau faatasi ai ma lo’u tina po o lo’u tuafafine.
I le aso 31 o Tesema, sa ou faamaeaina ai le Tusi a Mamona! Sa alalaga fiafia lo’u aiga atoa. Ona ou alu lea i lo’u potu e fai se tatalo. Sa ou fesili pe moni le Tusi a Mamona, ma sa ou lagona le fiafia tele.
Ou te iloa e faafofoga mai le Tama Faalelagi pe a ou tatalo. Ou te iloa e alolofa o’u matua faalelagi ia te au. Ou te iloa o le Tusi a Mamona o le afioga a le Atua, ma e alofa Iesu ia i tatou.