Talofa mai Kiripati!

Aoao e uiga i fanau a le Tama Faalelagi i le lalolagi atoa.

Kiripati (kee-ruh-pati) o se atunuu o motu i le Vasa Pasefika. E tusa ma le 120,000 tagata e nonofo iina.

33 Motu

Ata na tusia e Robyn Brimley

O motu laiti o Kiripati ua salalau atu i le silia ma le 1.4 miliona maila faatafafā (3.5 miliona km²) o le sami! O lona tulaga i luga o le kelope e tuu ai i le sone muamua e vaai i le malamalama o aso fou taitasi.

Matafaga Matagofie

E tumu Kiripati i matafaga oneone ma niu. E mafanafana i le tausaga atoa.

Faataitaiga Susulu

Toeitiiti 20 pasene o tagata o tagata o le Ekalesia. O i latou o ni faataitaiga lelei mo isi o loo nonofo i atumotu.

Alu I’a!

Talu ai o loo siomia i latou e le vasa, o lea e aai ai tagata i Kiripati i le tele o meaai sami. O le popo, araisa, ma le maukeni e taatele foi.

O le a Oo mai se Malumalu

I le konafesi aoao o Oketopa 2020, na faasilasila mai ai e Peresitene Russel M. Nelson o le a fausia se malumalu i Kiripati! O ona foliga nei.

Gaoioiga

Siva Manu

O le siva o se vaega taua o le olaga i Kiripati. O a latou siva e musuia e lo latou manulele faaleatunuu, o le manulele frigate. E faaloloa e le ausiva o latou lima e pei o ni apaau a o latou minoi.

O le a le meaola e te fiafia i ai? Mafaufau pe faapefea ona minoi. Ona fatu lea o se siva na musuia e lena meaola. Fai atu i nisi o uo e faatasi ma oe!

Fua o le Kuka

Supo Maukeni Pe’epe’e

1. Sasaa sina suauu popo i totonu o se ulo. Faaopoopo i ai le 1 aniani ua uma ona tipitipi ma kuka i lle vevela feoloolo seia oo ina amata ona enaena ia aniani.

2. Faaopoopo i ai le 2 ipu maukeni ua uma ona faapala, 2 ipu peepee, ma le 4 ipu suavai moa. Saeu lelei.

3. Faapuna le supo, ona ki lea i lalo le vevela o le ogaumu ma tuu e faataataa mo le 20 minute.

4. Afai e te manao ai, faaopoopo i ai le masima, pepa faimeaai, fiu, po o isi mea faamanogi meaai.

Ia mautinoa e i ai se tagata matua e fesoasoani atu!

Motugaafa Maloloina

Ia Amata loa!

O le faamalositino e faatumauina ai le maloloina o lou fatu, maso, ma ivi. E mafai ona e faia mea malie i aso taitasi e faaminoi ai lou tino ma faagaoioi ai lou fatu, e pei o le siva, taalo i taaloga, po o le tietie i se uila—po o le a lava le mea e te fiafia i ai!