“O Le Faafitauli o le Fetufaai” Uo, Mat. 2023, 36–37.
O le Faafitauli o le Fetufaai
“O le fetufaaai o se auala e faaali atu ai i se tasi e te alofa ia i latou.”
pa’o, pa’o, pa’o. Sa folo e Anetelea lana popukoni ma uu mai se isi lauga tumu i lona lima.
Sa faapalasi ifo lona uso matua, o Kalepo, i luga o le nofoa i ona tafatafa. “Ei, e mafai ona aumai sa’u mea?”
Sa lei tilotilo ese Anetelea mai le TV. “Leai.”
“Oi, se. E mafai ona e faasoa mai.”
Sa aapa atu Kalepo mo le pesini, ae sa sei ese e Anetelea.
“Leai! Ua uma ona ou ta’u atu muamua ia te oe. Aua nei toe fesili mai.
“Ia lelei” Sa tu i luga Kalepo ma aluese mai le potu.
O le aso na sosoo ai, na alu ai Anetelea i le umukuka. Sa faia e Kalepo ni sushi i le araisa, limu, ma le apa maligi.
Sa sūsua gutu o Anetelea. E mafai na aumai se mea ma a’u?
“Leai,” na fai mai ai Kalepo.
O lena mea na ita tele ai Anetelea. Sa tamoe o ia i le fogafale i lalo e ta’u atu ia Tama.
“Aisea ua matua ai’u ai Kalepo?” na ia fesili ai.
Sa faauu tamā. “Sa ou vaai ananafi e te le’i tufaina lau popukoni. Aisea e tatau ai ona faasoa atu Kalepo ia te oe ae e te lei faasoa atu ia te ia?”
“Aua o ia o lo’u uso!” O le tala lea a Anetelea.
“Aisea la e te lei fetufaai atu ai ia te ia?”
“E le taitai foi ona ia fetufaai mai ia te a’u! Ma le isi, sa ou faia mo au lava ia, ae le mo ia,” o le tala lea a Anetelea. Ae o lenei ua faalelelei ona lagona. Atonu sa leaga o ia ma le le fetufaai atu.
“Na e iloa i Korea, o le fetufaai e taua tele?” O le fesili lea a Tama. O le aiga o Anetelea e omai mai Korea. “O le fefaasoaai o se auala lea e faaali atu ai i se tasi e te alofa ia i latou. Afai la e te le faasoa atu, e pei ua e fai atu e te le alofa ia i latou.”
“Ae ou te alofa ia Kalepo.”
Sa mafaufau Anetelea i le mea e ono fai e Iesu. Sa ia manatua le alofa o Iesu i tagata uma—e oo lava ia i latou o e agaleaga ia te Ia.
“Ou te manatu o le a ou fetufaai atu ia Kalepo taeao ma vaai pe o le a faape’i,” na ia ta’u atu ai ia Tama.
Sa ataata Tama. “Ou te manatu o se mea lelei lena.”
Ina ua alu Anetelea e moe i lena po, sa ia mafaufau e uiga i isi mea lelei e mafai ona ia faia mo Kalepo. Sa fiafia o ia e amata ona fetufaai atu!
O le taeao na sosoo ai, na ala ae ai Anetelea ma le te’i. Na faia e Kalepo se ti o le taeao mo na o ia lava!
“Sa talanoa mai Tama ia te a’u e uiga i le fetufaai atu,” o le tala lea a Kalepo. “Ou te manao ia ou lelei atu. O lea na ou faia ai lenei mea mo oe.”
“Faafetai!” O le tala lea a Anetelea. “Ou te manao foi ia ou lelei atu”
Mulimuli ane i lena aso, na matamata ai Anetelea ma Kalepo i se tifaga. Sa tuu atu e Anetelea ia Kalepo e filifili po o le a [le ata]. Ona ia faia lea o ni popukoni tau lava mo Kalepo! Sa tilotilo atu o ia i totonu o le pesini. Sa pei na fai mai popukoni, “AI A’U!” Ae sa lei avea e Anetelea se mea. Sa ia avatu ia Kalepo le pesini ma faapea atu, “O mea uma lava na ma oe. Ou te faamalie atu ou te lei fetufaai atu muamua.
Sa fetufaai atu ia Anetelea ma Kalepo i le vaiaso atoa. Sa ia tuu atu ia Kalepo e faitau i ana tusi. Sa ia tuu atu ia Kalepo e faaaoga ana peni maka. Sa ia tuu atu ia Kalepo e taaalo i lana meataalo e sili ona fiafia i ai. Sa ia tuuina atu foi ia Kalepo se avanoa faaopoopo a o la taaalo i se taaloga.
O le tele o le fetufaai atu e Anetelea ia Kalepo, o le tele foi lea o le fetufaai atu e Kalepo ia te ia! E lei umi ae laua faia ni mea lelei mo le tasi ma le isi i taimi uma. Na iloa e Anetelea sa fesoasoani le Tama Faalelagi ia te ia e fetufaai atu i lona uso. Sa lei atoatoa Anetelea e pei o Iesu, ae sa ia taumafai ia avea atili e faapei o Ia i aso uma.
O lenei tala sa tupu i le ISA.
Ata na tusia e Adam Howling