Uo i le Uo

Tamoe agai i le Malamalama

Saunia e Elder Peter M. Johnson

O Le Fitugafulu

Peter M. Johnson

Sii mai le “Running toward the Light” (vitio), ChurchofJesusChrist.org.

Tama o loo tamoe a o amoina se ato faafafa

Atatusi na saunia e Adam Nickel

Sa ou ola ae i se vaega matautia o se aai tele. I se tasi aso sa ou savali ai i le aoga ma ni tupe i la’u taga. Sa tatagi tupe siliva a o ou savali.

Sa ou savali ma pasia nisi o tama matutua o e sa i ai i se kegi. Sa ou taumafai e foliga to’a. Sa ou taumafai e ’aua le fefe. Ae sa latou faalogoina le pao o le tatagi. Sa latou mananao i tupe siliva ma amata ona tuli mai a’u.

Sa ou tamoe i le vave ou te mafaia e aluese ai. Sa ou liliu i se auala ’alo. Sa mafai ona ou iloa atu le malamalama i le faaiuga o le auala, o lea sa ou tamoe atu ai i le malamalama. E lei umi ae latou le toe mulimuli mai ia te a’u, ma sa ou saogalemu.

Na avea lenei mea ma se mamanu i lo’u olaga. Sa ou tamoe mai le mea sa leaga, ma sa ou saili mo le mea sa lelei. O nisi taimi sa ou lotovaivai ai, ae sa ou taumafai pea e saili le malamalama.

Ina ua ou alu i le kolisi, sa ou taalo i le au pasiketipolo. O le toatele o le matou au o ni tagata o Le Ekalesia a Iesu Keriso o le Au Paia o Aso e Gata Ai. Sa ou aoao e uiga i le talalelei mai ia i latou. Sa ou aoao o a’u o se atalii o le Atua. O lona uiga e mafai ona ou tulai a’e i luga atu o o’u tauiviga ma ia ou lelei atili. Sa ou auai i le Ekalesia. Talu mai lena taimi, sa ou taumafai i aso uma ia avea atili e faapei o lo’u Tama Faalelagi ma Lona Alo, o Iesu Keriso. Ma e mafai ona e faia fo’i!

A e tamoe agai atu i le malamalama, o loo i ai le faamoemoe. E te iloa o loo e tamoe i le malosi, filemu, ma le fiafia. E manaomia uma ona tatou taufetuli agai atu i le malamalama.

Fiafia o le Pasiketipolo

gaoioiga o pasiketipolo e oti ese

Sa aoao Elder Johnson e uiga i le talalelei a o taalo pasiketipolo. O lou taimi lenei!

1. Oti ese ia sikuea o loo i lalo ma numinumi i ni polo.

2. Feauauai i le togiina o polo i totonu o se pesini.

3. A ulu se polo i totonu o le pesini, tatala le pepa ma tali le fesili!

• O le a se auala se tasi e mafai ona e mulimuli ai i le Tama Faalelagi?

• O le a se taimi na e filifilia ai le mea sa’o?

• O faapefea ona e vaaia le malamalama o le Tama Faalelagi i lou olaga?

• O le a se mea o fesoasoani e te lagona ai le alofa o le Tama Faalelagi?

• E mafai faapefea ona e faasoa atu le malamalama o le Faaola i isi?

• Tusi lau oe lava fesili!