“Sa Papatisoina Iesu Keriso,” Uo, Mat. 2023, 24–25.
Tala ia Iesu
Sa Papatisoina Iesu Keriso
Aveese le itulau lenei ma gaugau faaafa. Ona uu lea i luga le ata a o e faamatalaina le tala.
Atavali na saunia e Greg Olsen
O Ioane le Papatiso o se perofeta. Sa ia aoaoina tagata e uiga ia Iesu Keriso. I se tasi aso sa papatiso ai e Ioane tagata i le Vaitafe o Ioritana. Ona afio mai lea o Iesu. Sa Ia fai atu ia Ioane e papatiso o Ia.
Na fetalai Iesu na poloaiina e le Tama Faalelagi tagata uma ina ia papatisoina. Sa manao o Ia e usiusitai i le Tama Faalelagi. Sa manao o Ia e faia se faataitaiga mo i tatou.
Sa papatisoina e Ioane ia Iesu i le Vaitafe o Ioritana. Ina ua afio a’e Iesu mai le vai, sa faalogoina e tagata le siufofoga o le Tama Faalelagi. Sa Ia fetalai mai, “O lo’u Atalii pele lena, ua ou fiafia ia te ia.”
E mafai ona tatou mulimuli ia Iesu Keriso e ala i le papatisoina. E fiafia le Tama Faalelagi pe a tatou mulimuli i Lona Alo.