“Koeʻuhí ko e Fakamoʻuí,” Ko e Kaumeʻá, ʻEpeleli 2023, 2–3.
Mei he Kau Palesitenisī ʻUluakí
Koeʻuhí ko e Fakamoʻuí
Toʻo mei he Facebook, 17 ʻo ʻEpeleli 2022, facebook.com/russell.nelson.
Tā valivali ʻa Michael Malm; tā fakatātaaʻi ʻe Christine M. Schneider
ʻOku tau fiefia ʻi he Toetuʻu kotoa pē ʻi he Toetuʻu ʻa Sīsū Kalaisí. Naʻá Ne fakahā mai ʻa e founga ke tau faʻa fakamolemole aí. Lolotonga ʻEne ʻi he kolosí, naʻá Ne kole ki he Tamai Hēvaní ke fakamolemoleʻi ʻa kinautolu naʻa nau fakamamahiʻi Iá. Naʻá Ne akoʻi kitautolu ke tau ʻofa ki hotau ngaahi filí mo lotua kinautolu.
ʻOku ou fakaafeʻi koe ke ke lotu mo fakakaukau pe ko hai ʻoku fiemaʻu ke ke fakamolemoleʻí. Fakakaukau foki pe ko hai ʻoku fiemaʻu ke ke kole ki ai ke fakamolemoleʻi koé. ʻOku ou palōmesi atu ʻi hoʻo fakamolemoleʻi mo fekumi ki he fakamolemolé, ʻe ʻomi ʻe he Fakamoʻuí ha nonga kiate koe.
Kuo toetuʻuʻa Sīsū Kalaisi! ʻOkú Ne ʻofeina koe! Pea koeʻuhí ko Ia, te ke lava ʻo ongoʻi ʻa e fiefia mo e mana ʻo e fakamolemolé.
Ko e Fiefia ʻi he Fakamoʻuí
Pea te u fakahīkihikiʻi ʻo taʻengata
Ko e Fakamoʻui ʻo māmaní,
Pea te u hiva fakataha
Mo e Kāingalotu kotoa ʻi he māmaní.
Koeʻuhí naʻá Ne foaki mai kiate au ʻa e meʻa kotoa pē
Naʻe pau ke Ne foakí,
ʻOku ou mānava, sio, ʻamanaki lelei, ʻofa, ʻoku ou moʻui.
Shawna Edwards,“[Koeʻuhí],” peesi 30