“Ko e Muimui ʻia Sīsū ʻi Naisīliá,” Ko e Kaumeʻá, ʻEpeleli 2023, 16–17.

Ko e Muimui ʻia Sīsū ʻi Naisīliá

Feʻiloaki mo ʻAniuana!

Tamasiʻi ʻokú ne tui ha sote mo ha hēkesi

Fekauʻaki mo ʻAniuana

Taʻu:7

Mei: ʻAkauá ʻIpomi, Naisīlia

Lea fakafonuá:Faka-Pilitānia

Ngaahi taumu‘á mo e fakaʻānauá:Hoko ko ha toketā.

Fāmilí: ʻAniuana, Faʻeé,Tamaí, Kui tangata, tuofefine siʻisiʻí mo e tokoua siʻisiʻí

Ko e Founga ʻoku Muimui ai ʻa ʻAniuana kia Sīsuú

Ko hono fufulu ʻe he tamasiʻí ʻa e ʻū peletí ʻaki ha ʻū kane vaí

Naʻe fakaʻapaʻapaʻi maʻu pē ʻe Sīsū ʻEne faʻeé. ʻOku fakaʻapaʻapaʻi ʻe ʻAniuana ʻene faʻeé foki. “ʻOku ou tokoni ki heʻeku faʻeé ʻi hono fufulu ʻa e ʻū peletí.” ʻOkú ne pehē, “ʻOku ou tafi mo mopi ʻa e falikí ʻi he pongipongi kotoa pē. ʻOku ou fiefia maʻu pē ʻi he taimi ʻoku lava lelei ai ʻeku ngāué. ʻOku ou ʻilo ʻoku fiefia ʻa Sīsū Kalaisi he ʻoku ou feinga ke hangē pē ko Iá.”

Naʻe kole mai ʻe Sīsū ke tau ako ʻiate Ia (vakai, Mātiu 11:29). ʻOku ako ʻa ʻAniuana fekauʻaki mo Sīsū ʻo fakafou ʻi he ngaahi hivá mo e folofolá. ʻOkú ne pehē, “ʻOku ou fokotuʻu ha ngaahi taumuʻa ke u hivaʻi ha foʻi hiva Palaimeli pea ako mei he folofolá he ʻaho kotoa pē.” ʻOkú ne toe ako foki ke tā ʻa e ʻōkaní. ʻOku fie maʻu ki ai ha akoako lahi, ka ʻoku ʻaonga ia!

Ngaahi Meʻa ʻoku Manako Taha ai ʻa ʻAniuaná

Tohi ʻoku fakaava, ʻufi, ʻōkaní, kato āfei kulokulá, mo e fokotuʻunga tohi

Feituʻú: Ko e lokiako ʻokú ne akoako tā ai ʻa e ʻōkaní

Talanoa mei he folofolá: ʻI he taimi naʻe papitaiso ai ʻa Sīsuú

Vesitapolo: ʻUfi

Lanu:Kulokula

Lēsoni ʻi he Akó: Faka-Pilitānia