“Mālō e Lelei mei Naisīlia!” Ko e Kaumeʻá, ʻEpeleli. 2023, 18–19.
Mālō e Lelei mei Naisīlia!
Ako fekauʻaki mo e fānau ʻa e Tamai Hēvaní ʻi he funga ʻo e māmaní.
Ko Naisīliá ko ha fonua ʻi ʻAfilika Hihifo. ʻOku nofo ai ha kakai ʻe meimei toko 216 miliona.
Ngaahi Anga Fakafonua Lahi
Ngaahi tā fakatātā ‘a Valeria Cis
ʻOku tokolahi ange ʻa e kakai ʻi Naisīliá ʻi ha toe fonua kehe ʻi ʻAfilika. ʻOku lahi e ngaahi kulupu kehekehe ʻo e kakaí, mo e lea fakafonua ʻe 500 tupu!
Ngaahi Meʻa-Moʻui Fakaʻofoʻofa ʻi ʻUta
ʻOku ʻi ai ha ngaahi toafa, feituʻu tokalelei, ngaahi feituʻu anovai, ʻotu moʻunga, mo e vaotā ʻi Naisīlia. Ko e feituʻu takitaha ko e ʻapi ia ki he faʻahinga kotoa pē ʻo e ʻakaú mo e fanga monumanú.
Ko e Siasí ʻi Naisīlia
ʻI he 1960 tupú, naʻe ʻikai ke ʻi ai ha kau faifekau ʻi Naisīlia. Ka naʻe fie papitaiso ha kakai tokolahi. Naʻa nau lotu fakataha mo tohi ki he kau taki ʻo e Siasí. Naʻa nau tatali ʻi he faʻa kātaki. Naʻe faifai pea nau papitaiso ʻi he 1978! ʻI he ʻahó ni, ʻoku laka hake ʻi he kāingalotu ʻe toko 200,000 ʻo e Siasí ʻi Naisīliá.
Laise ʻo e Sāpaté
ʻOku tokolahi ha ngaahi fāmili ʻi Naisīlia ʻoku nau kai ha meʻakai ko ha laise ʻoku haka fakataha mo e vesitapoló mo e kakanoʻi manú ʻi ha kulo pē ʻe taha pe ko e laise hinehina mo ha sitiu (stew) ʻi he tuku ʻa e lotú. Ko ha tukufakaholo faka-Sāpate!
Ngaahi Temipale ʻe 3
Naʻe fakatapui ʻa e Temipale Aba Nigeria ʻi he 2005, pea ʻe langa mo ha temipale ʻe ua!