“Lau ʻa e Lahi ʻo e ʻAho ʻoku Toe pea Hoko ʻa e Toetuʻú,” Ko e Kaumeʻá, ʻEpeleli 2023, 8.
Ngaahi Meʻa Fakafiefiá
Lau ʻa e Lahi ʻo e ʻAho ʻoku Toe pea Hoko ʻa e Toetuʻú
ʻI he uike kimuʻa ʻi he Toetuʻú, fai ha ʻekitivitī ʻi he ʻaho takitaha ke muimui kia Sīsū. Hili iá pea valivali ʻa e fakatātā ʻo e laʻivaʻé. Kamata ‘i he laʻivaʻe fika 7.
7: Naʻe fakafiefiaʻi mo fakalangilangiʻi ʻe he kakaí ʻa Sīsū ʻi Selusalema (vakai, Mātiu 21:6–11). Hivaʻi ha foʻi hiva ʻokú ke saiʻia ai fekauʻaki mo Sīsū.
6: Naʻe ʻaʻahi ʻa Sīsū ki he temipalé (vakai, Mātiu 21:12–16). Tā ha Fakatātā ʻo e temipalé.
5: Naʻe akoʻi kitautolu ʻe Sīsū ke tau ʻofa ki he niʻihi kehé (vakai, Mātiu 22:36–40). Ngaohi ha kaati maʻá ha taha ʻokú ke ʻofa ai.
4: Naʻe akoʻi ʻe Sīsū ʻa e ongoongoleleí ʻo fakaʻaongaʻi e ngaahi talanoa ʻoku ui ko e ngaahi talanoa fakatātā (vakai, Mātiu 25). Vahevahe mo ha taha ʻa e talanoa mei he folofolá ʻokú ke saiʻia taha aí.
3: Naʻe tāpuakiʻi ʻe Sīsū ʻa e sākalamēnití (vakai, Mātiu 26:26–28). Lau fakataha ʻa e ongo lotu ʻo e sākalamēnití ʻi he Tokāteline mo e Ngaahi Fuakava 20:77, 79.
2: Naʻe fakamoʻui ʻe Sīsū ʻa e mahakí (vakai, Mātiu 14:14, Luke 4:40). Telefoni pe ʻaʻahi ki ha taha ʻoku puke pe fiemaʻu hano kaungāmeʻa.
1: Naʻe lotu ʻa Sīsū ki he Tamai Hēvaní ( vakai, Mātiu 26:39). Lotu ʻo fakamālō ki he Tamai Hēvaní koeʻuhí ko ho ngaahi tāpuakí.
Sāpate Toetuʻú: Lau ʻa e 1 Pita 1:3. Manatuʻi ʻa e Fakamoʻuí ʻi hoʻomou fakamanatu ʻa e ʻaho ní!