“Ngaahi ʻEkitivitī ʻo eHaʻu, ʻo Muimui ʻIate Aú ” Ko e Kaumeʻá, ʻEpeleli 2023, 6–7.
Ngaahi ʻEkitivitī ʻo e Haʻu, ʻo Muimui ʻIate Aú
Ki he efiafi ʻi ʻapí, ako folofolá, pe ke maʻu ai ha fiefia!
Kuó Ne Toetuʻu!
Ngaahi tā fakatātā ʻa Katy Dockrill
Ki He Toetuʻú
Talanoa: Ko Sīsū Kalaisi hotau Fakamoʻuí. Koeʻuhí naʻá Ne toetuʻu, te tau toetuʻu kotoa pē foki (vakai, 1 Pita 1:3–4).
Hiva: “Kuo Toetuʻu ʻa Sīsū” (Tohi Hiva ʻa e Fānaú, 44)
ʻEkitivitī: Fakahoko ʻa e ʻekitivitī ʻi he peesi 14. Te ke lava pē ʻo kamata ʻa e ʻekitivitī fakahokohokóʻʻi he peesi 8.
Ngaahi Tenga ʻo e Tuí
ʻI he Mātiu 15–17; Maʻake 7–9
Talanoa: Naʻe akoʻi ʻe Sīsū ko e tuí ʻoku hangē ha kiʻi foʻi tengaʻi mūsitá te ne lava ʻo fai ʻa e meʻa ʻoku taʻe-malavá (vakai, Mātiu 17:20).
Hiva: “Ko e Tuí” (Tohi Hiva ʻa e Fānaú, 50)
ʻEkitivitī: Kumi ki he lahi taha ʻa e ngaahi tengaʻi ʻakau te ke lava ʻo maʻu ʻi tuʻá. Pe kumi ha ngaahi fakatātā ʻi he ʻinitanetí. Fakakaukau pe ko e hā ʻa e faʻahinga ʻakau te nau ala tupu ki aí. Te ke lava fēfē nai ʻo fakatupulaki hoʻo tui kia Sīsū Kalaisí?
ʻOfa ki ho Kaungāʻapí
Talanoa Naʻe fakahā mai ʻe Sīsū ke tau tokangaʻi hotau ngaahi kaungāʻapí (vakai, Luke 10:25–37). Ko hotau kaungāʻapí ʻa e tokotaha kotoa pē ʻoku tau feohí, neongo kapau ʻoku kehe honau fōtungá pe ko ʻenau tōʻongá meiate kitautolu.
Hiva: “Te u ʻAʻeva Pea mo Koe” (Tohi Hiva ʻa e Fānaú, 78)
ʻEkitivitī: Tā ha fakatātā ho kaungāʻapí. Te ke lava ʻo fakakau ki ai ho fāmilí, ngaahi kaungāmeʻá, mo e ngaahi kaungāʻapí. ʻI he ʻaho kotoa pē ʻo e uiké ní, fili ha tokotaha mei hoʻo tā fakatātaá pea fai ha ngāue lelei maʻanautolu.
Ko e Tauhisipi Leleí
ʻI he Sione 7–10
Talanoa: ʻOku tokangaʻi ʻe he kau tauhisipí ʻenau fanga sipí mo maluʻi kinautolu. Ko Sīsū Kalaisi hotau Tauhisipí. Naʻá ne folofola, “Ko au ko e tauhi[sipi] leleí, [pea ʻoku ou ʻilo ʻeku fanga sipí]” (Sione 10:14).
Hiva: “ʻOku Ongo ʻa e ʻOfá” (Tohi Hiva ʻa e Fānaú, 42)
ʻEkitivitī:Vaʻinga mateʻi ʻo ha sipi! Fili ha taha ke hoko ko e tauhisipi. ʻE hoko leva ʻa e tokotaha kotoa pē ko e fanga sipi. ʻOku kuikui ʻa e tauhisipí kae lea paa ha sipi ʻe taha. Tuku ke mateʻi mai ʻe he tauhisipí pe ko e fē ʻa e “sipi” naʻe leá. Talanoa fekauʻaki mo e founga ʻoku ʻafioʻi ai ʻe Sīsū kitautolu ʻaki hotau hingoá.