Te Tau Toe Moʻui

Fai ʻe Saisamoa Lēpani

(Makatuʻunga ʻi ha talanoa moʻoni)

Naʻe hoko ʻa e talanoa ko ʻení ʻi Nuʻu Sila.

Naʻe ʻalu ʻa Kālani mo hono fāmilí ki ha faʻitoká ke ako lahi ange fekauʻaki mo honau hisitōlia fakafāmilí.

Mami, ʻoku ʻalu ki fē ʻa e kakaí ʻi heʻenau maté?

ʻOku nofo pē honau sinó heni, ka ʻoku ʻalu honau laumālié ki he maama tataliʻanga ʻo e ngaahi laumālié.

Ko e hā e meʻa ʻoku nau fai ʻi aí (talitaliʻanga ʻo e ngaahi laumalié)?

ʻOku nau ako mo akoʻi fekauʻaki mo Sīsū.

Te tau toe mamata nai kiate kinautolu?

ʻIo, te tau lava! Hili e pekia ʻa Sīsuú, naʻá Ne toe moʻui. Koeʻuhí ko Ia, te tau toe moʻui kotoa foki! ʻOku ui ia ko e toetuʻú.

Ko e faʻitoka ʻeni ʻo hoku kāingá.

ʻE toe moʻui nai ho kāingá?

ʻIo! Te tau toe moʻui kotoa. Pea ʻe lava ke fakataha hotau fāmilí ʻo taʻengata.

ʻOiauē! ʻOku ʻikai ke u faʻa tatali ke feʻiloaki mo ho kāingá ʻi ha ʻaho.