“Tataki ʻo Hangē ko Sīsuú,” Ko e Kaumeʻá, ʻEpeleli 2023, 15.
Tohi ʻe Koe
Tataki ʻo Hangē ko Sīsuú
Tā fakatātaaʻi ʻe Toby Newsome
Naʻe kole mai ke u tataki e ngaahi himí ʻi he houalotu sākalamēnití, pea naʻá ku fuʻu loto hohaʻa ʻaupito. Naʻe teʻeki ai ke u tataki ha ngaahi himi kimuʻa. Naʻá ku akoako lahi ʻi he lolotonga ʻo e uiké.
Naʻá ku talanoa ki heʻeku tangataʻeikí fekauʻaki mo ʻeku ngaahi hohaʻá. Naʻá ne ʻeke mai pe naʻá ku ʻiloʻi e taumuʻa ʻo e tatakí. Naʻá ku talaange kuo pau ke fokotuʻu ʻa e taimí mo e fasí. ʻOku hangē ʻa e tatakí ko e muimui ki he takí.
Hili e fepōtalanoaʻaki ko ʻení, naʻá ku fakakaukau ki he founga ʻoku tatau ai e hoko ko ha faihivá mo e sīpinga ʻa Sīsū Kalaisí. Ko Ia hotau takí pea ʻokú Ne tataki kitautolu ʻi he hala totonú pea ʻi he taimi totonú. ʻOkú Ne maluʻi kitautolu ʻi he fakapoʻulí pea ko hotau Tauhisipí Ia.
Naʻá ku fai ha lotu peá u ongoʻi ko e faihivá ko ha sīpinga moʻoni ia ʻo Sīsū Kalaisi. ʻOku ou fiefia lahi ange he taimí ni ke u faihiva koeʻuhí he te u fakafofongaʻi ai ʻa Kalaisi.