Kumusta gikan sa Cape Verde!

Kat-oni ang mahitungod sa mga anak sa Langitnong Amahan sa tibuok kalibotan.

Ang bandila sa Cape Verde

Mga paghulagway pinaagi ni Carolina Farías

Ang Cape Verde usa ka isla nga nasod duol sa kabaybayonan sa West Africa. Mga 480 ka libo ka tawo nagpuyo didto.

Cebuano

Duha ka babaye nga nag-istoryahanay

Portuguese ang opisyal nga pinulongan. Ang mga tawo usab makamao mosulti og Cape Verdean Creole, o Kriolu, nga nakabase sa Portuguese.

Mga Bulkan

Usa ka bulkan

Ang Cape Verde adunay 10 ka isla, diin nahimo gumikan sa mga bulkan. Ang kinadak-an nga aktibong bulkan gitawag og Pico do Fogo. Kini may 9,281 ka pye (2,829 ka metro) ang gitas-on.

Relihiyon

Gambalay sa simbahan

Mga 80 porsyento sa katawhan mga katoliko. Aduna usab mga 16 ka libo ka miyembro sa atong Simbahan.

Musika

Usa ka pamilya nga nanganta

Ang mga Taga-Cape Verde ganahan kaayo og musika! Sila kasagaran mokanta niini sa Creole, ug ang ilang musika gisagolan og mga estilo gikan sa Protugal, Brazil, ug West Africa.

Praia Temple

Ang Praia Cape Verde Temple

Ang unang templo sa Cape Verde nga gipahinungod sa miagi nga tuig!

Kalihokan

Istorya nga Dula

Usa ka grupo sa mga bata nga nanagtindog nga naglinya

Aniay dula nga mahimo ninyong dulaon! Usa ka tawo mobiya sa kwarto. Ang uban mosugilon og usa ka istorya kabahin sa usa ka tawo nga namasol sa dagat. Samtang nag-istorya sila, ilang ipasa ang usa ka butang sa matag usa. Ang istorya kanunayng tapuson sa mga pulong nga, “ug ang gamay nga isda namatay.” Kon si kinsa man ang naggunit sa butang sa pagkahuman sa istorya motago niini sa iyang luyo. Ang tawo nga mibiya mobalik ug motag-an kon kinsa ang naggunit sa butang. Kon ilang matag-anan ang sakto, ang tawo kinsa aduna niini mobiya sa kwarto. Kon sayop iyang tag-an, mobiya sila sa kwarto pag-usab ug ang istorya mag-sugod pag-usab.

Resipe

Cachupa (Cape Verde Stew)

Usa ka panaksan nga linat-an [stew]

1. Mag-ad-ad og 1 ka sibuyas ug 6 ka lusok sa ahos. Dayon gisala kini sa gamay nga mantika diha sa kaha.

2. Ibalhin ang sibuyas ug ahos ngadto sa dako nga kaldero. Magdugang og 1 ka delata nga tamatis, 1 ka delata nga mais, ug 2 ka delata nga arubias.

3. Magdugang og 2 ka libras (1 kg) nga karne, sama sa baboy, sausage, baka, o isda.

4. Buboan ug igong tubig nga motupong sa tanan diha sa kaldero. Lutoon sa hinay nga kalayo sulod sa labing minus duha ka oras.

Hinumdomi: adunay daghang mga paagi sa paghimo og cachupa. Mahimo ka nga magdugang og laing matang sa karne, mga monggos, ug mga utanon kon gusto nimo!

Tabang sa Pangpahimsog

Talagsaon nga Lanot [Fiber]

Mga beans, mga berry, ug mga liso [nut]

Ang mga beans adunay daghang lanot nga molimpiyo sa mga bakterya sa sulod sa imong lawas ug makatabang nga ang pagkaon mas sayon nga makadagan sa imong lawas. Imo usab makuha ang lanot gikan sa mga lugas, mga berry, ug mga liso [nut].