“Mubo nga mga Sulat sa Komperensiya,” Higala, Mayo 2023, 5.
Mubo nga mga Sulat sa Komperensiya
Mga paghulagway pinaagi ni Josh Talbot
Kita Nagtuo ni Kristo
Si Presidente Oaks miingon nga kita nagtuo ni Jesukristo. Gibasa niya ang daghang kasulatan mahitungod sa unsay gisulti ni Jesus atol sa Iyang kinabuhi ug sa dihang Siya mibisita sa mga Nephite. Kita kinahanglan gayod nga motuon sa mga pulong ni Jesus aron makagiya sa atong kinabuhi.
Nagtudlo kini kanako:
Uban Usab ni Jesus
Si Elder Stevenson misulti mahitungod sa duha ka batang babaye kansang iyaan namatay. Ang asawa ni Elder Stevenson, si Lesa, nangumusta kanila. Nagmagul-anon sila, apan sila mipakigbahin sa ilang pagpamatuod ngadto kaniya. Nasayod sila ang ilang iyaan malipayon ug mahimong makauban ni Jesus. Ang hugot nga pagtuo diha ni Jesukristo ug ang kinabuhing dayon mohupay kanato.
Nagtudlo kini kanako:
Pagpamatuod diha sa usa ka Bus
Si Elder Corbitt namulong mahitungod sa usa ka babaye nga iyang gikasakay sa bus. Nangutana siya kon nganong mituo siya ni Jesukristo. Dili siya sigurado unsa ang iyang isulti. Dayon mihukom siya nga tutokan kon unsa ang labing importante. Siya misulti kaniya nga kita nagkinahanglan ni Jesus aron sa pagtabang kanato nga makabalik ngadto sa Langitnong Amahan. Makapaambit usab kita sa atong mga pagpamatuod.
Nagtudlo kini kanako:
Pagdala og mga Bato
Si Sister Johnson mipakigbahin kon sa unsang paagi nga ang mga kalisdanan sa kinabuhi susama sa pagdala og backpack nga puno sa mga bato. Kita magdala og mga bato tungod sa atong mga sala, sa pagkadili mabination sa uban, ug sa mga hagit sa kinabuhi. Si Jesukristo motabang sa pagdiskarga sa atong mga backpack kon kita modangop ngadto Kaniya. Kita usab makatabang sa pagpagaan sa mga backpack sa uban pinaagi sa pag-amuma kanila sama sa gibuhat ni Jesus.
Nagtudlo kini kanako: