Dali, Sunod Kanako nga mga Kalihokan

Alang sa home evening, pagtuon sa kasulatan, o kalingawan lamang!

Pagpakita og Kamapasalamaton

Mga paghulagway pinaagi ni Katy Dockrill

Alang sa Lucas 12–17; Juan 11

Istorya: Basaha ang istorya sa “Usa ka Mapasalamaton nga tawo” sa pahina 46. Unsaon nimo sa pagpakita og kamapasalamaton?

Awit: “Salamat sa Atong Amahan” (Songbook sa mga Bata, 15)

Kalihokan: Paggunting og 10 ka tinag-as nga paper. Sa matag usa ka tinag-as nga papel, isulat ang usa ka butang nga ikaw mapasalamaton. Lukota ang tinag-as libot sa matag usa ug papitli o i-tape ang isig ka tumoy aron mahimong kadena. Ang imong kadena sa pagpasalamat ibitay sa dapit nga makita nimo kini kanunay.

Bayani sa Pagserbisyo

Alang sa Mateo 19–20; Marcos 10; Lucas 18

Istorya: Si Jesukristo nagtudlo nga kita kinahanglan motabang sa tawo nga nanginahanglan (tan-awa sa Marcos 10:17–22). Basaha “Ang Mang-ak [Owl] ug ang Orca” sa pahina 8 aron makat-on kon sa unsa nga paagi ang usa ka batang lalaki nga ginganlan og Dieter misunod ni Jesus.

Awit: Sunda ang Kasugoan” (Songbook sa mga Bata,, 68–69)

Kalihokan: Adto sa pahina 12 ug mahimong usa ka bayani!

Maminaw nga Punoan sa Kahoy

Alang sa Mateo 21–23; Marcos 11; Lucas 19–20; Juan 12

Istorya: Si Zacchaeus gusto nga makakita ni Jesus, apan naalihan sa daghang tawo ang iyang panan-aw. Mikatkat si Zacchaeus sa punoan sa kahoy aron mas makita ug madungog niya og maayo si Jesus. (Tan-awa sa Lucas 19:2–8.)

Awit: “Kon Maminaw sa Dughan Ko” (Pebrero 2016 Liahona, p. 67)

Kalihokan: Paghimo og usa ka Punoan sa kahoy gamit ang kamot! Diha sa piraso sa papel, isubay og trace sa lapis ang imong kamot ug bukton. Ang imong bukton mao ang punoan ug ang imong mga tudlo mao ang mga sanga. Libot sa matag sanga, isulat o drowinga ang mga paagi nga ikaw makapaminaw ni Jesus.

Usa ka Misyonaryo Karon

Alang sa Joseph Smith—Mateo 1; Mateo 24–25; Marcos 12–13; Lucas 21

Istorya: Si Jesukristo miingon nga sa dili pa Siya moanhi pag-usab, ang ebanghelyo isangyaw ngadto sa tibuok kalibotan (tan-awa sa Joseph Smith—Mateo 1:31). Makatabang kita sa pag-andam sa Ikaduhang Pag-anhi pinaagi sa pagpaambit sa ebanghelyo ngadto sa uban.

Awit: Unta Tawgon Ko Nila sa Misyon” (Songbook sa mga Bata,, 91)

Kalihokan: Paghimo og imong kaugalingon nga name tag sa misyonaryo! Isulat ang imong ngalan diha sa piraso sa papel ug guntinga kini. Sa luyo, pagsulat og usa ka butang nga imong mabuhat sa pagpaambit sa ebanghelyo karon. I-alpiril o i-tape ang imong name tag diha sa imong polo.

Mga Tiil sa Pagserbisyo

Alang sa Mateo 26; Marcos 14; Juan 13

Istorya: Si Jesukristo mihugas sa mga tiil sa Iyang mga apostoles (tan-awa sa Juan 13:4–16). Siya nahigugma kanila ug gusto nga moserbisyo kanila. Si Jesus misulti kanila sa pagsunod sa Iyang ehemplo ug moserbisyo sa usag usa.

Awit: “‘Sulti sa Gamay nga Sapa,’ Hatag’” (Songbook sa mga Bata, 116)

Kalihokan: Dulaa kining dula sa pagserbisyo. Ang tanan manglingkod nga ang ilang mga tiil anaa sa sulod sa sirkulo. Ang usa ka magdudula mopili og usa ka numero. Magsugod sa ilang kaugalingong mga tiil, ang magdudula motudlo sa matag usa ka tiil diha sa sirkulo ug moihap gikan nianang gipili nga numero paubos hangtod moabot sa “usa.” Ang tiil nga matumngan sa numero nga “usa” wala nay apil. Dayon kana nga magdudula mopili og usa ka numero ug moihap paubos. Ang kataposang tawo nga anaa sa lingin ang usa ka tiil mopili og usa ka kalihokan sa pagserbisyo aron buhaton sa grupo.

Adto sa pahina 49 alang sa Dali, Sunod Kanako nga mga kalihokan alang sa mas gagmay nga mga bata.