“Dali, Sunod Kanako Mga Kalihokan alang sa Gagmay nga mga Bata,” Higala, Mayo 2023, 49.
Bag-ong Tugon
Dali, Sunod Kanako nga mga Kalihokan alang sa Gagmay nga mga Bata
Alang sa Lucas 12–17; Juan 11
Dayon dulaa kining dula nga pagtag-an kinsa ang pasalamatan uban sa inyong gagmay nga mga bata! Pagpili og butang nga kamo mapasalamaton, apan ayaw usa pagsulti kon unsa kini. Paglista og mga rason kon nganong kamo mapasalamaton niana nga tawo o butang hangtod ang inyong anak makatag-an sa eksakto. Karon ila nang turno!
Alang sa Mateo 19–20; Marcos 10; Lucas 18
Pakit-a ang inyong gagmay nga mga bata og usa ka hulagway sa templo. Ipasabot nga gusto sa Langitnong Amahan nga masilyo kita sa mga templo aron ang atong mga pamilya magkauban sa kahangtoran. Kantaha ang “Mga Pamilya Mahimong Manag-uban sa Hangtod” (Songbook sa mga Bata, 188).
Alang sa Mateo 21–23; Marcos 11; Lucas 19–20; Juan 12
Bisitaha ang kinadul-an nga templo uban ang inyong gagmayng bata o ipakita nila ang mga litrato diha sa internet. Ipaambit ang yano nga pagpamatuod kon unsa ang inyong gibati kabahin sa templo. Kon makahimo kamo sa paglibot sa nataran, tabangi ang mga bata sa pag-ila sa maanindot, malinawon nga pagbati didto.
Alang sa Joseph Smith—Mateo 1; Mateo 24–25; Marcos 12–13; Lucas 21
Tabangi ang inyong gagmay nga mga bata nga moingon, “Si Jesukristo gusto nga moserbsiyo ko sa uban.” Ang tanan, maghunahuna og usa ka tawo nga inyong matabangan. Human nga inyong gitabangan kana nga tawo, pangutan-a kon unsa ang ilang gibati nga nakatabang.