Makalingaw nga Buhaton

Makalingaw nga Pagpilo

Mga paghulagway pinaagi ni Nicole Walkenhorst

Origami nga Bookmark

1. Piloa og katunga ang kwadrado nga pirasong papel nga pinahandag aron makahimo og usa ka triangulo.

2. Piloa ang matag kilid sa triangulo dapit sa tunga aron makahimo og kwadrado. Dayon bukhara.

3. Guniti ang kinaibabwan sa papel dapit sa tumoy sa triangulo ug piloa kini paubos ngadto sa kinaubsan.

4. Isuksok ang tuo ug ang wala nga tumoy sa triangulo ngadto sa bulsa-bulsa.

5. Karon makabasa na kamo gamit ang inyong bag-ong bookmark!

Origami nga Fox

1. Piloa og katunga ang kwadrado nga pirasong papel nga pinahandag aron makahimo og usa ka triangulo.

2. Piloa ang tuo ug wala nga habig sa triangulo ngadto sa tunga aron makahimo og kwadrado.

3. Baliha ang kwadrado. Piloa og katunga ang tunga-tunga nga linya aron mahimong usa ka triangulo.

4. Pangitaa ang tumoy sa triangulo nga adunay tulo ka piniloan. Piloa kining kilid pabarog nga pinahandag, ug dayon bukhara ang mga piniloan nga maabli.

5. Abliha ang tunga nga piniloan ug ang tumoy paubos aron maporma ang dagway.

6. Kuhaa ang laing tumoy sa dakong triangulo ug piloa kini paubos aron maporma ang ikog.

Origami nga Isda

1. Piloa og katunga ang kwadrado nga pirasong papel nga pinahandag aron makahimo og usa ka triangulo, dayon bukhara. Buhata ang samang butang ngadto sa pikas bahin.

2. Piloa og katunga ang papel aron makahimo og usa ka rektanggulo, dayon bukhara.

3. Baliha ang imong papel. Pislita ug piloa ang mga pinahandag nga kilid diha sa mga ngilit. Dad-a ang duha ka isig ka kilid hangtod malinya ang mga ngilit. Mao gihapon ang buhata diha dapit sa wala. Kinahanglan nga maporma kini og usa ka triangulo.

4. Piloa ang usa ka pinilo paingon sa tunga. Piloa ang laing piniloan ipatong sa una. Kini mahimong mga kapay.

5. Karon baliha ang imong isda ug drowingi og mata.

   TABANG: Himoa ang inyong mga piniloan nga limpyo kutob sa mahimo.