“Mga tubag mahitungod sa Templo,” Higala, Mayo 2023, 38–39.
Mga tubag mahitungod sa Templo
Unsay bation sa sulod sa templo?
Ang templo mao ang balay sa Ginoo. Limpyo kini ug maanindot sa sulod. Ang tanan magsul-ob og puti ug maningkamot nga mahimong matinahuron. Kini usa ka malinawon nga dapit sa pagsimba sa Dios, pagkat-on, ug pagbati sa gugma sa Manluluwas pinaagi sa Espiritu Santo.
Unsa man ang buhaton sa mga tawo sulod sa templo?
Sa templo, kita makakat-on kabahin sa plano sa Dios ug mohimo og mga pakigsaad uban Kaniya. Kita mobuhat niini pinaagi sa pag-apil sa mga ordinansa sama sa mga bunyag, mga pagkompirma, ug masilyo ngadto sa atong mga pamilya.
Unsay akong isul-ob kon moadto ko sa templo?
Kinahanglan nimong isul-ob ang imong labing maayo nga mga sinena ngadto sa templo. Sa higayon nga naa na ka sa sulod, mag-ilis ka ngadto sa espesyal nga sinina aron sa pagbuhat sa mga ordinansa. Alang sa mga bunyag, ang mga worker sa templo mohatag ninyo og puti nga jumpsuit nga isul-ob.
Unsa ang rekomend sa templo?
Ang rekomend sa templo usa ka gamay nga piraso sa papel nga magtugot kanimo sa pagsulod sa templo. Makakuha ka og usa gikan sa usa ka sakop sa inyong bishopric o kapangulohan sa branch. Siya mangutana nimo kon ikaw nagtuman ba sa mga sugo ug kon kamo adunay pagpamatuod. Kon ikaw takos ug andam nga mosulod sa templo, siya mohatag kanimo og usa ka rekomend sa templo.
Unsay buot ipasabot sa pagbuhat og bunyag alang sa patay?
Sa templo, ikaw makapabunyag alang sa mga tawo nga patay na nga wala pa mabunyagi. Magsul-ob ka og puti ug ipaunlod sa (ilubog ang tibuok lawas sa ilalom) sa tubig.
Mga paghulagway pinaagi ni Simini Blocker