“Si Jesus Nagtudlo didto sa Templo,” Higala, Mayo 2023, 24–25.
Mga Istorya kabahin ni Jesus
Si Jesus Nagtudlo didto sa Templo
Tangtanga kini nga pahina ug pil-a kini og katunga. Dayon ipataas ang litrato samtang imong isaysay ang istorya.
Sa dihang si Jesus nag-edad og 12 anyos, Siya miuban ni Maria ug Jose ngadto sa Jerusalem.
Sa ilang pagpauli, si Maria ug Jose nakaamgo nga si Jesus wala miuban kanila. Nagdali sila nga mibalik sa Jerusalem aron sa pagpangita Kaniya.
Si Maria ug Jose nangita og maayo. Sa kataposan, ilang nakit-an si Jesus didto sa templo. Nagtudlo Siya sa mga tawo ug mitubag sa ilang mga pangutana. Natingala ang tanan tungod sa ka dako sa Iyang kahibalo mahitungod sa ebanghelyo. Si Jesus naghimo sa buhat sa Langitnong Amahan bisan og batan-on siya.
Makatabang usab kita sa buhat sa Langitnong Amahan. Makapaambit kita sa ebanghelyo. Makakat-on kita mahitungod sa templo. Kini nga mga butang motabang nato sa pagkat-on ug paglambo sama sa gibuhat ni Jesus.