Usa ka Mensahe sa Komperensiya gikan sa Propeta
Mahimong Tigpasiugda og Kalinaw
Gikuha gikan sa “Gikinahanglan ang mga Tigpasiugda og Kalinaw ,” Liahona, Mayo 2023.
Isip mga disipulo ni Jesukristo, kita ang mga ehemplo kon unsaon sa pagtagad sa uban. Usa sa labing sayon nga paagi sa pag-ila sa usa ka tinuod nga sumusunod ni Jesukristo mao kon unsa ka manggiloy-on nga motagad niana nga tawo ngadto sa ubang tawo.
Ang Manluluwas miklaro niini. “Bulahan ang mga tigpasiugda sa kalinaw,” Siya miingon (Mateo 5:9; tan-awa usab sa 3 Nephi 12:9). Ang Iyang tinuod nga mga disipulo mopalig-on, mobayaw, moawhag, ug modasig—bisan unsa pa ka lisod ang sitwasyon. Ang tinuod nga mga disipulo ni Jesukristo mga tigpasiugda og kalinaw.
Kon giunsa nato pagtagad ang usag usa importante kaayo! Kon giunsa nato sa paghisgot ug mahitungod sa uban sa panimalay, sa simbahan, ug sa online importante kaayo. Kita makausab sa kalibotan—usa ka tawo ug usa ka inter-aksiyon matag higayon.
Ang mga kalainan kabahin sa kinabuhi. Atong ipakita nga adunay matinahoron nga paagi sa pagsulbad sa mga panagbangi. Pag-ampo aron makabaton og kaisog ug kaalam sa pagsulti o pagbuhat unsa ang gusto sa Manluluwas.
Ako moawhag kaninyo sa pagpili nga mahimong tigpasiugda og kalinaw, karon ug sa kanunay.
“Ug Siya Mibuka sa Iyang Baba ug Nagtudlo Kanila” ni Michael Malm
Kita Makausab sa Kalibotan
Si Presidente Nelson miingon nga unsa ang atong gibuhat ug gisulti importante gayod! Diha sa mga luna sa ubos, isulat ang unsay inyong isulti aron makatabang nga mahitabo ang kalinaw.
Unsa ang inyong isulti sa usa ka tawo nga naguol?
Unsa ang inyong isulti kon ang usa ka tawo mokuha sa inyong mga butang?
Unsa ang inyong isulti kon ang usa ka tawo bangis diha kaninyo?