“Ngaahi ʻEkitivitī ʻo e Haʻu, ʻo Muimui ʻIate Aú,” Ko e Kaumeʻá, Sune 2023, 10–11.
Ngaahi ʻEkitivitī ʻo e Haʻu, ʻo Muimui ʻIate Aú
Ki he efiafi ʻi ʻapí pe ako folofolá—pe ke maʻu ai ha fiefia!
Telefoni ʻa e Kaumeʻá
ʻŪ tā fakatātā ʻa Katy Dockrill
Ki he Sione 14–17
Talanoá: Naʻe akoʻi ʻe Sīsū ʻEne kau ākongá fekauʻaki mo e Laumālie Māʻoniʻoní. ʻE lava ke fakafiemālieʻi mo akoʻi kitautolu ʻe he Laumālie Māʻoniʻoní. Te Ne lava ʻo tokoniʻi kitautolu ke tau ʻiloʻi ʻa e meʻa ʻoku totonú. (Vakai, Sione 14:26.)
Hiva: “The Still Small Voice” (Children’s Songbook, 106–7)
ʻEkitivitií: Huke ki he peesi 8 ke faʻu ha telefoni ʻaki ha ipu. Talanoa fekauʻaki mo e founga ʻe lava ke tokoniʻi ai kitautolu ʻe he Laumālie Māʻoniʻoní ke tau fanongo ki he meʻa ʻoku finangalo ʻa e Tamai Hēvaní ke akoʻi maí.
Ko e Manatu Kia Sīsuú
Talanoa: Lau ʻa e talanoa ʻo hono tāpuakiʻi ʻe Sīsū ʻa e sākalamēnití ʻi he Luke 22:14–20 pe ʻi he peesi 46.
Hiva: “Loto ʻApasia” (Tohi Hiva ʻa e Fānaú, 11)
ʻEkitivitií: Tā ha fakatātā ʻo Sīsū. Ko e hā te ke fai ke ke fakakaukau ai kia Sīsū ʻi he taimi te ke maʻu ai e sākalamēnití he Sāpate ko ʻení?
Ngaahi Fakaʻilonga ʻo e Toetuʻú
Ki he Mātiu 27; Maʻake 15; Luke 23; Sione 19
Talanoa: Naʻe foaki ʻe Sīsū ʻEne moʻuí maʻatautolu koeʻuhí ʻokú Ne ʻofa ʻiate kitautolu. Koeʻuhi ko ʻEne toetuʻú, te tau toetuʻu foki mo kitautolu.
Hivá: “Naʻá Ne Fekau Hono ʻAló” (Tohi Hiva ʻa e Fānaú, 20–21).
ʻEkitivitií: Tānaki e ngaahi meʻá ni: ko ha foʻi faʻo, konga papa, konga tupenu, mo ha foʻi maka. Paasi takai kinautolu lolotonga hoʻo lau ʻa e Sione 19:17–19 mo e Mātiu 27:57–60. Ko e hā ʻokú ke houngaʻia ai ʻia Sīsuú?
ʻI he funga ʻo e Māmaní
Ki he Mātiu 28; Maʻake 16; Luke 24; Sione 20–21
Talanoá: Hili e toetuʻu ʻa Sīsuú, naʻá Ne talaange ki Heʻene kau ākongá ke nau “fakalotuʻi ʻa e ngaahi puleʻanga kotoa pē” fekauʻaki mo ʻEne ongoongoleleí (Mātiu 28:19). ʻI he ʻahó ni, ʻoku vahevahe ʻe he kau faifekaú ʻa e ongoongoleleí ʻi he feituʻu kotoa pē ʻi māmani.
Hiva: “ʻOmi Ki Māmani ʻEne Moʻoní” (Tohi Hiva ʻa e Fānaú, 92–93)
ʻEkitivitií: Vakai ki he tatau ko eni ʻo e Kaumeʻá. Ko e ngaahi fonua ʻe fiha te ke lava ʻo maʻú? Fili ha fonua ke ako lahi ange ki ai. Te ke lava ʻo kamata ʻaki ʻa e “Mālō e lelei mei Potukali!” ʻi he peesi 18.