“Ko e Muimui kia Sīsū ʻi Potukalí,” Ko e Kaumeʻá, Sune 2023, 16–17.

Ko e Muimui kia Sīsū ʻi Potukalí

Feʻiloaki mo Matelita!

Fekauʻaki mo Matelita

ʻĪmisi

Tā ʻo ha kiʻi taʻahine malimali

Taʻu: 5

Mei: Vahefonua Lisiponí, Potukali

Lea Fakafonuá: Faka-Potukali

Fāmilí: Matelita, Mami, Teti, mo ha tuongaʻane siʻisiʻi mo ha tokoua

Ngaahi taumuʻá mo e fakaʻamú: Ke hoko ko ha toketā

Ko e Founga ʻoku Muimui Ai ʻa Matelita kia Sīsuú

ʻĪmisi

Ko ha fāmili ʻoku nau tuʻu ʻi muʻa ʻi he Temipale Lisbon Portugal

ʻI ha ʻaho ʻe taha, naʻe talaange ʻe he faʻē ʻa Matelitá kiate ia, ʻoku fakaʻamu e uōtí ke tānaki ha ʻū meʻavaʻinga. Ko e ʻū meʻavaʻingá maʻá e fānau naʻe pau ke nau mavahe fakavavevave mei honau fonuá. Naʻe ʻeke ange ʻe he faʻē ʻa Matelitá pe ʻoku ʻi ai haʻane meʻavaʻinga molū ke vahevahe mo kinautolu. ʻE tokoni e ʻū meʻavaʻinga ko ʻení ke siʻisiʻi ange ʻenau ongoʻi ilifia ʻi heʻenau fonongá.

ʻI he kamataʻangá naʻe ʻikai fie vahevahe ʻe Matelita ʻene meʻavaʻingá. Ka naʻá ne fakakaukau ki he fiefia ʻe maʻu ʻe he fānaú, ʻi haʻanau maʻu ha meʻavaʻinga. Naʻá ne fakakaukau ki he founga kuo tokoniʻi ai ʻe Sīsū Kalaisi ʻa e niʻihi kehé. Ko ia ʻi he ʻaho hono hokó, naʻá ne tokoni ke fili ha ʻū monumanu tamapua ke vahevahe. Naʻá ne fiefia ʻi hono lotó koeʻuhí naʻá ne lava ʻo tokoni ke ongoʻi fiefia ange ʻa e fānaú. ʻOkú ne fiefia ke muimui kia Sīsū!

ʻĪmisi

Ongo tamaiki fefine ʻokú na tuʻu ʻi ha loki mo ha fanga kiʻi monumanu tamapua

Ngaahi Meʻa ʻOku Manako Taha ai ʻa Matelitá

ʻĪmisi

Ko e matātahí, Pēpē ko Sīsuú, foʻi pea, matalaʻiʻakau lanu pingikī, penivahevahe mo ha polosi vali.

Feituʻú: Ko e matātahí

Talanoa fekauʻaki mo Sīsuú: Ko Hono ʻaloʻí

Fuaʻiʻakaú: Pea

Lanú: Pingikī

Lēsoni ʻi he akó: ʻĀtí

ʻĪmisi

Talanoa ʻi he PDF

ʻŪ tā fakatātā ʻa Anna Daviscourt