“Ngaahi ʻEkitivitī ʻo e Haʻu, ʻo Muimui ʻIate Aú maʻá e Fānau Īkí,” Ko e Kaumeʻá, Sune 2023, 49.
Fuakava Foʻoú
Ngaahi ʻEkitivitī ʻo e Haʻu, ʻo Muimui ʻIate Aú maʻá e Fānau Īkí
Ki he Sione 14–17
Fanafana ange ki hoʻo fānau īkí, “ʻOku ou ʻofa ʻiate koe.” Talaange kiate kinautolu ʻoku fanafana mai ʻe he Laumālie Māʻoniʻoní ha ngaahi lea ʻo e ʻofa mo e moʻoni ki hotau lotó mo e ʻatamaí. ʻOku ʻikai ke tau faʻa lava ʻo fanongo kiate kinautolu ʻaki hotau telingá, ka ʻoku nau ʻai ke tau ongoʻi ʻoku ʻofaʻi mo maluʻi kitautolu.
Ki he Luke 22; Sione 18
Hivaʻi mo hoʻo fānau īkí ʻa e “ʻOku ou Feinga ke Hangē ko Sīsuú” (Tohi Hiva ʻa e Fānaú, 40). ʻOange kiate kinautolu ha fakatātā ʻo Sīsū ke nau pukepuke. Talaange ke nau hiki māʻolunga ia ki ʻolunga ʻi he taimi kotoa pē ʻoku nau fanongo ai ki he “Sīsū” ʻi he hivá. Tokoniʻi leva kinautolu ke nau pehē, “ʻOku ʻofa ʻa Sīsū ʻiate au.”
Ki he Mātiu 27; Maʻake 15; Luke 23; Sione 19
Tokoniʻi hoʻo fānau īkí ke nau pehē, “Te u lava ʻo fakamolemoleʻi e niʻihi kehé ʻo hangē ko Sīsuú.” Fakamatalaʻi ange ko e taimi ʻoku tau fakamolemoleʻi aí, ʻoku tau tokoni ke fakatonutonu ia. Fakatātaaʻi ha ngaahi taimi ʻe ala fiemaʻu ai ʻe ha taha ha fakamolemole, hangē ko e hili hano maumauʻi ha meʻavaʻinga. Tokoniʻi hoʻomou fānau īkí ke nau fakakaukau ki he meʻa te nau lava ʻo lea ʻakí.
Ki he Mātiu 28; Maʻake 16; Luke 24; Sione 20–21
Talanoa ki hoʻo fānau īkí fekauʻaki mo ha mēmipa ʻo e fāmilí kuo pekia. Fakaʻaliʻali ha laʻitā kapau ʻoku ʻi ai. Fakamatalaʻi ange ʻoku mate ʻa e kakaí, ka ʻoku ʻikai ko e ngataʻangá ia. Tokoniʻi kinautolu ke nau pehē, “Te tau toe moʻui kotoa hili ʻetau maté, hangē pē ko Sīsuú.”