“Ko ha Lotu ke Maʻu ha Fakafiemālie,” Ko e Kaumeʻá, Sune 2023, 28.
Tohi ʻe Koe
Ko ha Lotu ke Maʻu ha Fakafiemālie
Ta fakatātā ʻa Amanda Smith
ʻI he taimi naʻe mālōlō ai ha kaungāmeʻa lelei ʻo e fāmilí ʻi he ngaahi māhina siʻi kuohilí, naʻá ku loto-mamahi ʻaupito. Naʻá ku ongoʻi ʻo hangē ʻoku ʻi ai ha foʻi ava lahi ʻi hoku keté. Naʻá ku fakakaukau he ʻikai toe mole atu e ongo ko iá.
Ka ʻi he ʻaho naʻe talamai ai ʻe heʻeku faʻeé kiate au mo hoku fāmilí kuo mālōlō homau kaungāmeʻá, naʻe ʻikai ko au pē naʻe ongoʻi loto-mamahí. Naʻá ku fuʻu hohaʻa ki hono fāmilí pea mo ʻenau loto-mamahí. Kapau kuó u ongoʻi loto-mamahi au, mahalo naʻe toe lahi ange ongoʻi mamahi ia hono fāmilí.
Naʻá ku fai ha lotu he ʻaho ko iá. Naʻá ku kole ke fakanonga homau ngaahi kaungāmeʻá pea lava ke nau ongoʻi fiemālie. Naʻá ku kole ʻa e meʻa tatau maʻa hoku fāmilí.
Hili ʻeku fai ʻa e lotú, naʻá ku ongoʻi ha māfana lahi ʻiate au. Naʻá ku ʻiloʻi ko e Laumālie Māʻoniʻoní ia ʻokú ne fakanonga aú. Naʻá ku ʻiloʻi ʻe lelei pē ʻa e meʻa kotoa. Naʻe mole ʻa e ongoʻi hangē ʻoku ai ha foʻi ava ʻi hoku keté, pea ne u ʻiloʻi te u toe mātā hoku kaungāmeʻá ha ʻaho.