Ngaahi Meʻa Fakafiefiá

ʻOkú Ke Fanongo Mai?

Faʻu ʻa e telefoni vaʻinga ko ʻení ke ke ngāue ʻaki mo ha kaungāmeʻa pe ko ha mēmipa ʻo e fāmilí!

Tā fakatātā ʻa Arthur Lin

1. Hokaʻi ha kiʻi foʻi ava ʻi he takele ʻo ha ongo ipu pepa pe pelesitiki.

2. Fakafehokotaki e ongo ipú ʻaki hano tohoʻi ha afo ʻi he ongo foʻi avá pea nonoʻo leva ha kiʻi foʻi fakapona ʻi he ongo muiʻi maeá.

3. ʻOange ha ipu ʻe taha ki ha kaungāmeʻa. Tuʻu māvahevahe pea puke ʻa e ongo ipú kae lava ke mafao ʻa e tuainé.

4. Talanoa ki ha ipu ʻe taha kae puke ʻe ho kaungāmeʻá ʻa e ipu ʻe tahá ki hono telingá ke fakafanongo.

5. Taufetongi ʻi he fakafanongó mo e talanoá.

Ngaahi meʻa ke ke ʻahiʻahiʻi mo hoʻo telefoní:

1. Talanoa ki ha taimi naʻá ke ongoʻi ai ʻa e Laumālie Māʻoniʻoní.

2. Lau hoʻo potufolofola manakó.

3. Fanafana ʻo vakai pe ʻe kei lava pē ho kaungāmeʻá ʻo fanongo atu kiate koe.

4. Vahevahe hoʻo talanoa manako kau kia Sīsuú.

5. Lea ʻaki ha meʻa ʻe taha ʻokú ke houngaʻia ai.