“Ko ha Hala Fihifihi ʻi he Mītiá,” Ko e Kaumeʻá, Sune 2023, 24–25.
Ko ha Hala Fihifihi ʻi he Mītiá
Ngaahi tā fakatātā ʻa Kelly Smith
ʻE lava ke tataki koe ʻe he Laumālie Māʻoniʻoní ʻi he ʻaho kotoa pē ʻi hoʻo fili ʻa e meʻa ke ke sio, lau, mo fanongo ki aí. Kumi ho halá ʻi he hala fihifihí ke ke sio ai ki he foungá!
ʻE lava ke ʻai ʻe he mītia langaki moʻuí ke ke ongoʻi fiefia mo nonga. Te ne lava ʻo tokoniʻi koe ke ke fakaʻamu ke fai ha ngaahi meʻa lelei. ʻOku haʻu e ngaahi ongo ko iá mei he Laumālie Māʻoniʻoní. Te ke lava foki ʻo vahevahe mo e niʻihi kehé ha ngaahi fakakaukau langaki moʻui!
Ko e fieʻiló ko ha meʻa angamaheni pē ia. Ka ko e ongoʻi ko ia ʻoku fiemaʻu ke ke fufuuʻi e meʻa ʻokú ke sio ki aí pe tauhi ha ngaahi fakapulipulí, ʻe lava ke hoko ia ko ha fakatokanga ke taʻofi.
Talanoa ki ha taha lahi kapau ʻokú ke sio ki ha ngaahi foʻi lea pe ʻū fakatātā ʻoku ʻikai ke ke ongoʻi fiemālie ki ai. ʻOku haʻu e ongo fakatokanga ko iá mei he Laumālie Māʻoniʻoní. Kapau te ke sio ki ha meʻa ʻoku kovi, ʻoku ʻikai ʻuhinga ia ʻokú ke kovi.
ʻOku ʻikai ko e meʻa kotoa pē ʻokú ke sio ki ai mo laú, ʻoku moʻoni. ʻOku tokoni atu ʻa e Laumālie Māʻoniʻoní ke ke ʻiloʻi ʻa e meʻa ʻoku moʻoní. ʻAlu ki he kakai mo e ngaahi feituʻu te ke lava ʻo falala ki ai ʻi hoʻo fekumi ki ha fakamatalá.
Ko hoʻo sinó ko ha meʻafoaki ia mei he ʻOtuá. Te ke lava ʻo ongoʻi lelei ʻi hoʻo mamata mo lau e ngaahi meʻa ʻokú ne fakahaaʻi hoʻo fakaʻapaʻapa ki ho sinó mo e niʻihi kehé.
Kumi ha ngaahi heleʻuhila, vaʻinga, mo ha ʻū tohi ʻoku hā ai ha ngaahi sīpinga lelei. ʻOku nau lea nai mo fakafōtunga ki he niʻihi kehé ʻaki e ʻofá?
ʻE lava ke tokoni ʻa e Laumālie Māʻoniʻoní ke ke ʻiloʻi e founga ke ngāue ʻaki lelei taha ai ho taimí. Kuó ke fakamoleki nai ha taimi lahi ʻi ha meʻa ʻe taha? Ko e hā ha meʻa lelei ange te ke lava ʻo fai?