Kuó Ke Sio Nai kia Sīsū?

Fai ʻe April Craig

(Makatuʻunga ʻi ha talanoa moʻoni)

Naʻe hoko ʻa e talanoá ni ʻi he ʻIunaiteti Siteití.

Lue fakataha ha kiʻi tamasiʻi mo e kui fefiné ʻi tuʻa

ʻOku fuʻu vela ʻaupito. ʻOku ou tui te u vaia!

ʻOua te ke tokanga ki ai, ʻokú ta mei aʻu.

Ko e tuʻu ʻa e tamasiʻí mo e kui fefiné ʻi he havilí

ʻOku ongo lelei ʻa e havilí.

ʻOku lelei ange ʻeni!

Talanoa ʻa e tamasiʻí mo e kui fefiné ʻi he tēnití

Kulenimā, ʻokú ke ʻofa ʻia Sīsū?

ʻIo! ‘Oku ou ʻofa lahi ʻia Sīsū.

Talanoa ʻa e tamasiʻí mo e kui fefiné ʻi he tēnití

Mo au pē. ʻOku ou fakaʻamu ne u lava ʻo sio kiate Ia. Pea te u ʻiloʻi leva ʻokú Ne moʻoni.

Siʻeku pele, ʻoku moʻoni ʻaupito ʻa Sīsū. Ko ha tokotaha moʻoni Ia, hangē ko koe mo aú.

Tamasiʻi ʻoku fāʻofua mo e kui fefiné

Ka ʻoku anga fēfē hoʻo ʻiloʻí? Kuó ke sio nai kia Sīsū?

ʻIkai. Ka ʻoku ou ongoʻi Ia he ʻaho kotoa pē.

ʻOkú ke manatuʻi e havili ne ta ongoʻi lolotonga ʻeta lué?

Fakakaukauloto ʻa e tamasiʻí mo e kuí ki he havilí

Naʻe ongo lelei ʻaupito ia! Naʻá ku velahia ʻaupito, ka naʻe mokomoko ʻa e havilí.

ʻOku ʻikai ke ta lava ʻo sio ki he havilí. Ka ʻoku ta lava ʻo ongoʻi. Pea neongo kapau ʻoku teʻeki ke ta mamata kia Sīsū, te ta kei lava pē ʻo ongoʻi ʻEne ʻofá.

Fakakaukauloto ʻa e tamasiʻí mo e kuí ki he matalaʻiʻakaú

Te ta ongoʻi fēfē nai Ia?

ʻOku ou ongoʻi ʻEne ʻofá ʻi he taimi ʻoku ou vakai ai ki Heʻene ngaahi fakatupu fakaʻofoʻofá. ʻOku ou sio ki Heʻene ʻofá ʻi he ngaahi matalaʻiʻakaú.

Fakakaukauloto ʻa e tamasiʻí mo ha kui fefine ki ha vaitafe

ʻOku ou mamata ki Heʻene ʻofá ʻi he ngaahi vaitafe naʻá Ne fakatupú.

Tamasiʻi ʻoku fāʻofua mo e kui fefiné

Pea ʻoku ou mamata ki Heʻene ʻofá ʻi he taimi ʻoku ou sio atu ai kiate koé!

Tokoto ʻa e tamasiʻí mo e kui fefiné ʻi ha ongo moheʻanga kemi

ʻE sai pē ke u tokoni atu ke toe fekumi kia Sīsū ʻapongipongi?

ʻE sai ʻaupito!

Talanoa ʻi he PDF

Ngaahi tā fakatātā ʻa Pauline Gregory