Kuó Ke Sio Nai kia Sīsū?

Fai ʻe April Craig

(Makatuʻunga ʻi ha talanoa moʻoni)

Naʻe hoko ʻa e talanoá ni ʻi he ʻIunaiteti Siteití.

ʻOku fuʻu vela ʻaupito. ʻOku ou tui te u vaia!

ʻOua te ke tokanga ki ai, ʻokú ta mei aʻu.

ʻOku ongo lelei ʻa e havilí.

ʻOku lelei ange ʻeni!

Kulenimā, ʻokú ke ʻofa ʻia Sīsū?

ʻIo! ‘Oku ou ʻofa lahi ʻia Sīsū.

Mo au pē. ʻOku ou fakaʻamu ne u lava ʻo sio kiate Ia. Pea te u ʻiloʻi leva ʻokú Ne moʻoni.

Siʻeku pele, ʻoku moʻoni ʻaupito ʻa Sīsū. Ko ha tokotaha moʻoni Ia, hangē ko koe mo aú.

Ka ʻoku anga fēfē hoʻo ʻiloʻí? Kuó ke sio nai kia Sīsū?

ʻIkai. Ka ʻoku ou ongoʻi Ia he ʻaho kotoa pē.

ʻOkú ke manatuʻi e havili ne ta ongoʻi lolotonga ʻeta lué?

Naʻe ongo lelei ʻaupito ia! Naʻá ku velahia ʻaupito, ka naʻe mokomoko ʻa e havilí.

ʻOku ʻikai ke ta lava ʻo sio ki he havilí. Ka ʻoku ta lava ʻo ongoʻi. Pea neongo kapau ʻoku teʻeki ke ta mamata kia Sīsū, te ta kei lava pē ʻo ongoʻi ʻEne ʻofá.

Te ta ongoʻi fēfē nai Ia?

ʻOku ou ongoʻi ʻEne ʻofá ʻi he taimi ʻoku ou vakai ai ki Heʻene ngaahi fakatupu fakaʻofoʻofá. ʻOku ou sio ki Heʻene ʻofá ʻi he ngaahi matalaʻiʻakaú.

ʻOku ou mamata ki Heʻene ʻofá ʻi he ngaahi vaitafe naʻá Ne fakatupú.

Pea ʻoku ou mamata ki Heʻene ʻofá ʻi he taimi ʻoku ou sio atu ai kiate koé!

ʻE sai pē ke u tokoni atu ke toe fekumi kia Sīsū ʻapongipongi?

ʻE sai ʻaupito!

Ngaahi tā fakatātā ʻa Pauline Gregory