Kveðja frá Nepal!

Lærið um börn himnesks föður víða um heim.

Myndskreyting: Brenna Vaughan

Nepal er land í Suður-Asíu. Um 30 milljón manns búa þar.

Sérstakur fáni

Nepal er eina landið sem hefur fána sem ekki er ferhyrndur! Á honum er sól og máni.

Everest-fjall

Í Nepal er að finna hæsta fjall jarðar, sem er 8.849 metra hátt. Yfir 6.000 manns hafa klifið upp á topp.

Hindu vinir

Flestir í Nepal aðhyllast hindúisma. Í þeim trúarbrögðum eru kýr helg dýr og komið fram við þær af virðingu.

Dal Bhat

Á hverjum degi borðar fólk máltíð með dal (linsubaunum) og bhat (hrísgrjónum). Oft er annar matur hafður með, t.d. grænmetiskarrý og súrsað grænmeti.

Mormónsbók

Mormónsbók var í fyrsta sinn gefin út í heild sinni á nepölsku árið 2017. Kirkjumeðlimirnir þar voru mjög spenntir!

Verkefni

Gatti (Fimm steina leikur)

Sitjið á jörðinni og dreifið fimm litlum steinum fyrir framan ykkur. Takið einn stein og kastið honum nokkrum sentimetrum upp í loftið. Á meðan hann er á lofti, notið sömu höndina til að taka upp annan stein. Grípið síðan steininn sem þið köstuðuð með sömu hönd. Haldið áfram þangað til þið hafið tekið upp alla fimm steinana. Þið getið leikið einsömul eða með vinum!

Uppskrift

Dal (Linsubaunasúpa)

1. Hellið 1/8 bolla olíu í pott. Saxið niður 1 lauk og 2 hvítlauksgeira og sjóðið við miðlungshita í nokkrar mínútur.

2. Bætið við 1 teskeið af möluðum kóríander, chili, túrmerik, kanil og engifer. Hrærið í nokkrar mínútur.

3. Bætið við 2 bollum af linsubaunum (skoluðum) og 4 bollum af vatni.

4. Eldið við miðlungshita í 20 mínútur eða þangað til linsubaunirnar eru orðnar mjúkar. Ef þið viljið, saxið þá niður nokkur kóríander-laufblöð til að bæta við í lokin.

Verið viss um að fá hjálp frá fullorðnum!

Hollusturáð

Hin mikilfenglega náttúra

Að vera úti í náttúrunni er frábær leið til að hreyfa sig og fá ferskt loft. Prófið að fara í göngutúr eða lengri göngu með fjölskyldu ykkar sem skemmtilega, heilbrigða hreyfingu!