Ol Kokonas mo Taeting

I Kam long Avehei M., we i gat 11 yia, Tahiti, Franis Polinesia

!Halo! Nem blong mi, Avehei. !Mi stap long Tahiti. Long aelan blong mi, mi laekem blong stap aotsaed. Mi go long longfala wokbaot mo swim long reva o ol bigfala solwota. Mi glad tu blong stap mekem ol samting wetem famli blong mi. Mi laekem blong kuk, pleiplei ol gem blong kad mo go long longfala wokbaot. Mi laekem tumas blong plei balong mo klaem ol tri wetem brata mo ol kasen blong mi.

Long taem we sama taem i kam, mi wok wetem brata blong mi long wan plantesen blong kokonas. Mifala i karem ol kokonas i kam wan ples mo hipmap olgeta. Mifala i pikimap tu ol trae lif blong mekem se plantesen i stap klin oltaem.

Bigbigfala bubuman blong mifala i stap pem mifala taem mifala i wok long plantesen. Oltaem, mi stap pem taeting blong mi wetem mane we mi kasem. Mi bin lanem long famli blong mi mo ol tija blong mi long Praemeri, olsem wanem blong pem taeting.

Mi pem taeting from se mi save se mi mo famli blong mi bae mifala i kasem blesing taem mi obei. Mi kasem blesing wetem famli blong mi, wan haos, mo wan naesfala wol raon long mi.

Mi save se God i stap laef mo se Hem i lavem mi. Mi talem tangkyu long Papa long Heven from famli we Hem i givim long mi.