“Jemes I Talem Se ‘Askem long God,’” Fren, Novemba 2023, 46–47.
Ol Skripja Stori
Jemes I Talem Se “Askem long God”
Ol pikja droing oli kam long Apryl Stott
Jemes i wan Aposol. Hem i tijim ol narafala man abaot Jisas Kraes. Hem i raetem wan leta long ol pipol we oli biliv long Jisas.
Long leta blong hem, Jemes i tijim ol pipol blong prea. Hem i talem long olgeta blong gat fet. Hem i talem long olgeta se oli save askem God blong save wanem i tru.
Plante yia i pas, Josef Smit i bin ridim leta blong Jemes insaed long Baebol.
Hem i askem long God wijwan jos blong hem i joenem.
!Ansa blong prea blong Josef i kam! Papa long Heven mo Jisas Kraes i kamkamaot long Josef. Tufala i helpem hem blong putumbak Jos Ia blong Jisas Kraes long wol ia.