Ol Aktiviti blong Kam Folem Mi blong Ol Smosmol Wan

Long Hibrus 1–6

Aktem se yu stap draevem wan selingbot tugeta. ?Olsem wanem nao bae yu save weaples blong go? Tokbaot olsem wanem nao Jisas Kraes i olsem wan kapten (luk long Hibrus 2:10). Taem yumi biliv long Hem, Hem i save givim daereksen long yumi blong stap sef tru long laef ia.

Long Hibrus 7–13

Singsing “Faith” (Children’s Songbook, 96–97). Tokbaot olsem wanem yumi soem fet blong yumi taem yumi trastem God mo folem Jisas Kraes.

Long Jemes

Mekem wan swit kaekae tugeta. Taem we i stap kuk askem, “yu filim se i had blong wet from?” Blong stap wet i no isi. Be taem yumi wet from ol gudfala samting blong kam—olsem ol blesing blong God—oltaem bae gudfala samting i hapen.

Long 1 mo 2 Pita

Tekem ol smolwan blong yu i go aotsaed. ?Hemia i wan dei we san i saen? ?Wan dei we ren i ren? Tingting long wan samting we yufala i save mekem blong gat wan gudtaem long weta ia. Tijim se yumi save stap hapi, nomata ol situesen we i stap raonem yumi.

Long 1–3 Jon; Jud

Makem ol smolwan se wanem longfala blong olgeta. Tijim se taem Sevya i groap, Hem i mekem ol gudfala joes evri dei. Askem olgeta blong talem wanem gudfala joes we oli bin mekem tedei. Helpem olgeta blong talem se, “Mi stap gro olsem Jisas!”