“Jisas Kraes I Hilim wan Man,” Fren, Novemba 2023, 24–25.
Ol Stori blong Jisas
Jisas Kraes I Hilim wan Man
Karemaot pej ia mo foldem long haf. Afta, leftemap pikja i go antap taem yu stap talem stori.
Pikja i kam long Sam Lawlor
Wan dei, Jisas Kraes i luk wan man we i blaen. Sam pipol oli ting se God i mekem man ia i blaen blong panisim hem. “?I tru se man ia i mekem sin? ?O hem i sin blong papa mo mama blong hem?” oli askem.
Jisas i talem se ae blong man ia i blaen be i no wan panismen. “Be i no from sin blong hem, mo i no from sin blong papa mo mama blong hem,” Hem i talem.
Jisas i putum sam sofmad long ae blong man ia. Afta, Hem i talem long man ia blong go wasem long wan pul blong wota. Taem man ia i mekem wanem we Jisas i talem, !hem i kam oraet! Man ia i save lukluk.
Samtaem ol had samting oli hapen long yumi. Jisas Kraes mo Papa long Heven, tufala i save helpem yumi blong lanem samting, kam antap mo gat pis. !Tufala i lavem yumi mo wantem blong blesem yumi!