“Ol Aktiviti blong Kam Folem Mi,” Fren, Novemba 2023, 10–11.
Ol Aktiviti blong Kam Folem Mi
Blong famli haos naet o skripja stadi—o blong gat wan gud taem nomo!
Jisas Kraes Nao I Stap Lidim Yumi
Blong Hibrus 1–6
Ol pikja droing oli kam long Katy Dockrill
Stori: Jisas Kraes, Hem i “lida blong [yumi] we God i wantem sevem [yumi]” (Hibrus 2:10). Wan kapten i stap lidim wan sip long solwota. !Jisas tu i save lidim yumi i go long heven mekem se yumi save stap wetem Hem sam dei!
Singsing: “Mi Nidim Yu Oltaem” (STSP, namba 98)
Aktiviti: Dro wan pikja blong wan bot i stap long ol wef. Afta, raetem o tokbaot ol wei we yu save folem Jisas Kraes. ?Olsem wanem nao Hem i stap lidim yu long laef blong yu?
Ol Hiro blong Fet
Blong Hibrus 7–13
Stori: Ol skripja oli talem se fet i minim se, blong stap biliv long ol samting we yu no save luk, (luk long Hibrus 11:1). Hibrus 11 i tokbaot ol stori blong plante pipol we oli bin gat fet. Blong stap gat fet long Jisas Kraes, i givim pis mo paoa long tingting blong yumi.
Singsing: “Faith” (Children’s Songbook, 96–97)
Aktiviti: Askem wanwan blong jusum wan hiro insaed long skripja long Hibrus 11. Evriwan bae oli askem ol kwestin blong traem talem huia hiro ia. ?Olsem wanem nao yu save gat fet olsem ol pipol insaed long ol skripja?
Miks miksim Seves
Blong Jemes
Stori: Aposol Jemes i tijim se yumi mas helpem olgeta we oli stap long nid (luk long Jemes 1:27). ?Huia nao i nidim help blong yu?
Singsing: “When We’re Helping” (Children’s Songbook, 198)
Aktiviti: !Mekem wan resis! Putum wan stat laen mo wan finis laen. Afta, muvum lek blong yu i glis i go fored, be no leftemap lek ia blong save muv i go long finis laen. Hem we i winim resis, i jusum wan simpol aksen blong seves blong grup i mekem, olsem blong sendem wan mesej we i kaen i go long wan o blong visitim wan we i stap hemwan.
Help blong Ol Bubu blong Yumi
Blong 1 mo 2 Pita
Stori: Ol bubu blong mi blong bifo oli save lanem abaot gospel afta we oli ded (luk long 1 Pita 4:6). !Insaed long tempol, yumi save kasem baptaes long bihaf blong olgeta mo helpem olgeta blong folem Jisas Kraes!
Singsing: “Family History—I Am Doing It” (Children’s Songbook, 94)
Aktiviti: Yusum ol pleiplei brikis o ol smosmol brikis o suga blong bildimap wan tempol. ?Olsem wanem nao yu save rere blong go insaed long wan tempol?
Stap Soem Lav
Blong 1–3 Jon; Jud
Stori: !Papa long Heven i lavem yumi evriwan! Aposol Jon i tijim yumi blong lavem ol narafala man tu(luk long 1 Jon 4:19, 21). ?Long wanem wei nao yu save soem lav long ol narafala man?
Singsing: “Where Love Is” (Children’s Songbook, 138–39)
Aktiviti: Tanem i go long pej 12 blong mekem wan aktiviti blong krietem wan hat sep. !Afta, givim ol sep blong hat ia long ol pipol we yu lavem!