“Ol Nius blong Konfrens,” Fren, Novemba. 2023, 4.
Ol Nius blong Konfrens
Ol Kwot blong Konfrens
Stap Wajem Konfrens raon long Wol
From we ol taem i defdefren long ol defren ples, yumi wajem ol moning sesen blong konfrens long naet. !Mifala i glad tumas taem Presiden Nelson i bin anaonsem ol niu tempol!
Sofia D., we i gat 11,Bratislava Region, Slovakia
Mifala i stap redi from jeneral konfrens taem mifala i go long stoa blong pem ol naes kaekae mo mifala i spel gud blong mekem se mifala i no silip long medel blong konfrens. Mifala i prea olsem wan famli blong kasem save mo ridim ol skripja. Oltaem mi glad tumas blong lisin long wan profet we i laef mo harem tok blong God.
Runakorwashe S., we i gat 7 yia, Southern Region, Malawi
Taem mi wajem konfrens, i mekem mi wantem stap kolosap long Jisas Kraes. Hem i wan Gud Man blong Lukaot Sipsip, mo Hem i kea long yumi ol sipsip blong Hem. Samtaem yumi wokbaot i go longwe smol, be oltaem Hem i stap kambak blong lukaotem yumi.
Efrain C., we i gat 9 yia, San Juan Province, Argentina
!20 Tempol!
!I gat 20 tempol we oli bin anaonsem long konfrens! Yusum wan map blong faenem wanwan ples blong ol niu tempol ia. Kalarem spes long pikja blong tempol taem yu faenem wanwan long olgeta.
Savai’i, Samoa
Cancún, Mexico
Piura, Peru
Huancayo, Peru
Viña del Mar, Chile
Goiânia, Brasil
João Pessoa, Brasil
Calabar, Nigeria
Cape Coast, Gana
Luanda, Angola
Mbuji-Mayi, Demokratik Ripablik blong Congo
Laoag, Philippines
Osaka, Japan
Kahului, Hawaii, USA
Fairbanks, Alaska, USA
Vancouver, Washington, USA
Colorado Springs, Colorado, USA
Tulsa, Oklahoma, USA
Roanoke, Virginia, USA
Ulaanbaatar, Mongolia
Taeting mo Ol Ofring
Long konfrens, yumi bin lanem sam long ol wei we Jos i stap yusum ol taeting mane mo donesen blong yumi blong !blesem ol pipol raon long wol!
-
Las yia, oli yusum moa long 1 bilian US dola blong blesem olgeta we oli stap long nid.
-
Oli yusum wan nara 54 milian US dola blong helpem ol mama mo ol pikinini long nid.
-
Taeting i help blong sapotem moa long 71,000 misinari we oli stap givim seves long 414 misin.
-
Taeting i help tu blong kea long 30,000 kongregesen long 195 kantri mo eria.
Ol Laef Lesen we i kam long Profet
!Presiden Nelson i gat 99 yia long yia ia! Long toktok blong hem, hem i serem sam long ol lesen we hem i bin lanem long kolosap 100 yia we hem i laef. Go long pej 2 blong ridim wanem we hem i bin tijim.