“Akoni I Stap Rere blong Go long Tempol,” Fren, Novemba 2023, 36–37
Akoni I Stap Rere blong Go long Tempol
Mitim Akoni mo lanem olsem wanem hem i rere blong go long tempol.
Akoni i gat 12 yia. Hem i stap long Niu Meksiko, YSA Navajo Nesen. Hemia i wan eria blong Yunaeted Stet, we ol pipol blong Navajo nao oli rulum. I gat ova long 250,000 pipol oli stap long ples ia.
Taem Akoni i wan yangfala, hem i wajem ol bigfala brata mo sista blong hem oli go long Yang Woman mo Yang Man.
Hem i bin luk hamas oli glad taem oli go long tempol. Akoni i glad tumas blong go long tempol tu.
Akoni i rere blong go long Yang Man taem hem i stap go long jos mo stap toktok wetem famli blong hem.
Hem i askem ol kwestin abaot tempol mekem se hem i save stap rere blong go insaed.
“Mi wari bigwan blong go long tempol blong fastaem blong mi,” Akoni i talem. “Be taem mi stap insaed long tempol, mi filim sef.”
Tempol we i kolosap long Akoni hem i Albuquerque Niu Meksiko Tempol. Hem i wan fo aoa draev blong go. Akoni i glad tumas se i no longtaem bae i gat wan tempol we bae oli bildim we i moa kolosap.
Akoni i hop blong go long wan misin wan dei, semmak olsem ol bigfala brata mo sista blong hem.
Hem i stat blong serem gospel taem hem i stap invaetem fren blong hem i kam long jos. Hem i wan stap olsem wan eksampol long yangfala brata blong hem mo !ol narawan tu!
Ol longfala ston long pikja ia oli singaotem ol “wing blong ston.” Ples ia i impoten long ol pipol blong Navajo.